Klumech er a Oldingel e Olischakl, Ongeua el Buil 2015

Blekerdelel a Jesus Kristo: Ng diak Lomulak malechub e Longeblad

Mosuub er tial tekoi lokiu a nglunguuch e mosiik el mo medengelii a bo mobang lolsisechakl. Ng mekera klemedengei er kau er a klengar me a urerel a Osobel a le choisisii a klaumera er kau er Ngii e lomekngeltengat er tirkel momekerreu er tir lokiu oldingel me a osisechakl? A lmuut el bebil er a omesodel, e bo er a www.reliefsociety.lds.org.

Klaumerang, Telungalek, Ngeso

Sel dodengei el kmo a Jesus Kristo a diak lomulak ma ka longeblad a mo ngosukid el blak a rengud el mo oltirakl a okesiul. Elder Joseph B. Wirthlin (1917–2008) er a Chelechad er a Teruich me a terung el Apostol a millekoi el kmo: “A ombebulak a mengeuid malechub e ng mengebirukel. … a chad el diak lomulak a chad el diak a kngtil, ng klemerang a ngara rengul, me a moktek er ngii, ea klengar er ngii a olechotel a beot el longedmokl el tekoi er a bek el sils loltirakl a llechul a kldung. … A kuumerang el kmo ng kirir a rechedal a Ikelesia el mo diak lomulak a locha kmal kirel mutaut er chelechang er a ikel bebil er a taem e le te betok el ngara beluulechad a meral diak lodengelii a ultutelel tial ungil tekoi.”¹

A kuk kirel a cheleblad, ea President Dieter F. Uchtdorf, el Ongerung el Counselor er a First Presidency, a millekoi el kmo: “Ng diak a ta er kid el di uai a Kristo el dodengei el kmo kid a kired el mo uai ngii. Eng di ng blak a rengud el mo mesisiich er a ikel cheleuid er kid me a kngtid. Me kede oba rengud me a bedenged el melasm el mo ungil lokiu a Tngakireng er a Jesus Kristo.²

Kede medengei el kmo “kede mo mukerrekeriil lultuil er a omerelled, soal a rengud, me sel ngii a mla mo teleteled.”³ Me sel dolasem el mo ouchel a rengud, e kede merael el mo klikiid—e “ngeltengat tirkel klikiid a rengrir: e le te mo mesang a Dios” (Mateus 5:8).

Bebil er a Chedaol llechukl

Psalm 32:2; Jakobus 3:17; 1 Peterus 2:1–2, 22

Ngara Chedaol Llechukl

A rengalek a diak el omulak. A Jesus Kristo a millekoi el kmo: “Bechititerir a mekekerei el ngalek me le mer ngak, e lak molekebai er tir: e le rengedel a Dios a kirir. … Me ng ulmechull er tir [el ngalek], e ulemor a chimal er tir, e ulemekngeltengat er tir” (Markus 10:14, 16).

A Kristo a dirrek el milesiou er a rengalek el mla er a Merikel ruriul er a Lemekerus. Meng dilu er tir me le ngititerir a rengelekir el mo er Ngii “me te mlo dengchokl er a chutem el iliuekl er ngii, ea Jesus a dechor er a delongelir; …

“… [Meng] lilangel, ma ildois a mlo cholechotel, meng ngiltiterir a rengelekir, lou derta er tir, e ulemekngeltengat er tir, e milluluuch el mora Edam el kirir. …

“Me tia ra lomes ea mederir a mlo bedul a eanged, e … te milsterir a reanghel el metengel er a eanged el di uaia le iliuekl er a ngau me te mei el meriou el me iiliuekl er tirka el mekekerei, … me a reanghel a mlo olisechakl er tir” (3 Nephi 17:12, 21, 24).

© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/14. Kengei er a oidel: 6/14. Oidel a Visiting Teaching Message, April 2015. Palauan. 12584 881

Momdasu er Tiang

Ngera sebeched el subii er a rengalek el kirel a diak el omulak? (Mesa Guide to the Scriptures, “Guile.”)