Klumech er a First Presidency, Ongeua el Buil 2015
Okedongel a President Monson el mo Bekeu
Ng ual dirkak bo el merek a ta el sikang e a, President Thomas S. Monson a mla mtebengar, a ikel kid a mokedong el kired el mo melilt er a imong malechub a kuk ta ra bedengel.
A mo ungil melilt, ngii a ulsisechakl, e ng kired el mo bekeu—“el bekeu el kmo ng diak, e bekeu el kmo oi. A uldasu a metebechelii a osioled.”1
Ngokiu a ikakid el tekoi e a, President Monson a omeklatk er a Ruruil-klesebei el Santo el kirir el mo bekeu el kirel a klemerang me a llemalt, el mo mesebechakl a loumerang, el mo omtok er a beluulechad el mla mo ikrii a diak el ngemed el ungil omeruul me a osisechakl.
“A okedong el mo bekeu a di blechoel el mei er a derta er kid,” ng millekoi. “Tia di mla uaisei, e di merko el uaisei.”2
A Blekeu a le Kengei er Ngii a Dios
“Kede mo obangel a dakt, e chuarm otuub, e obangel a ultok. Mei me kid—el rokui—bo de bekeu el mesisiich el diak de mesim, e bekeu el chemolt el kirel a klemerang. Ng blekeu, el diak el omrachem a ungil ra mekngit, a soal a Dios. A blekeu a mo ngarngii e kmal ungil teletelel a kldung sel lomes er ngii a chad el diak el dil kengei el choichitii a klengar er ngii el mo mad ng bai dirrek el sel blakelreng er ngii el mo kedung. Chelecha el dorael bedul uchei, el meruul a ikel kired loltirakl, e kede meral mo ngmai a ngesou er a Rubak e sebeched el ngmai ongelaod er a tekingel.”3
Otngakl loba Blekeu
Ngera belkul sel doutekangel? Ng meral soak tiakid el belkul: otngakl loba blekeu. A blekeu a locha mousbech er ngii el mo oumerang; tiang sel bebil eng kirel mekedmokl sel molngesenges. Tia kirem lobang sel moutekangel el mo er sel sils el bocha mikrii tial klengar.”4
Bo Bekeu el Chemolt el Kirel a Klemerang
“[Mei] e bo bekeu el mo chemolt el mesisiich el kirel a klemerang me a llemalt. E le uchul a omerolel a klechad er chelechal taem a mla mo cheroid er a ungil tekoi ma osisechakl el Rubak a mla meskid, e kau a mocha kirem el mokedong el mo mesebechakl a ikel ngii a omoumerang el tekoi. Alsekum a risel a klaumera er kau a diak el ungil delalem, eng mo meringel er kau el mo otngakl a otuub er tirkel mo omtok er a klaumerang er kau. Sel ungil delalem, a klaumerang er kau er a ebangkelio, me a Osobel, me a Demad er a Babeluades eng mo mengetikaik a ikel rokui el moruul el mo el muut er sel rekil a klengar er kau.”5
Ke dousbech er a Blekeu er a Chedaol Tekoi me a Klechad
“A tekoi el mocholt er a tv, katsudo, me a bebil er a oltobed a chais er [chelechang] a blechoel el melemalt el omtok a ikel ngii a soad a rengeleked a bol ngai e ungil urrekodel. Ng ngercheled el diak di dolsisechakl er tir el mo ungil er a tekingel a reng me a suobel ke de dirrek el mo olngeseu er tir el di merko el uaisei el ungil er a ikal tekoi, ngii mesel le betok el mesisiich el tekingel a beluulechad a bol chelbangel. Tiang a kmal mo nguu a klou el temed me a urered—a rolel a dolngeseu er a rebebil, eng kired el ousbech el bekeu er a chedaol tekoi me a klechad el mo otngakl a mekngit el domes er a bita me a bitang.”6
Mei Me Dolemolem el Bekeu
“Me sel de kiei er a bek el sils, eng diak bo de iiu er tial tekoi el klaumerang er kid a mo ngarngii a ultekengel. Sel bebil er a taem e kede metik er kid el iliuekl er a rebebil eng di kerdi mekesai el dechor el kirel a tekoi el ngii a le kengei malechub eng diak el kengei er ngii a rebetok. …
“Mei e bo de blechoel el bekeu e de kldmokl el chemolt el kirel a doumerang, me sel sekum eng kired el dechor el di kid el tang er tial omeruul, e de bekeu el mong, el mesisiich lokiu a klemedengei er kid el kmo a mera er ngii kid a diak el di el kid el tang sel de dechor lobengkel a Demad er a Babeluades.”7
© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/14. Kengei er a oidel: 6/14. Oidel a First Presidency Message, April 2015. Palauan. 12584 881
Osischeklel Tia el Klumech
Ng sebechem lolengit er tirkel molsisechakl er tir el mo omdasu er tial merael mei el sandei a blekeradel—er a blai, ureor, skuul, malechub a ikelesia—el tekoi el loruul a a kirir el mo bekeu. Te locha mo chobangel a dakt, outekangel a meringel, chemolt el kirel a loumerang, malechub e te tibir el mo mui el olngesenges a osisechakl er a ebangkelio. Bo molengit er tir me bo lolecholt a uldesuir malechub el bol lluches.