2015
Ohiyac Muhtahl luhn Jisus Kraist: Nwacsnwacs
June 2015

Pweng ke Forfor Luti, Jun 2015

Ohiyac Muhtahl luhn Jisus Kraist: Nwacsnwacs

Pruhe in lutlutkihn kuhfa inge ac suk in etuh ma in akacsruhi kac. Etuh ohiyac muhtahl luhn Mwet Lahngo ac ahkyohkye kuh in luhlahlfongi lowos Kacl ac ahkinsewowoye fuhkah mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Sang nwacsnwacs in nahwuh nuhnak lowos an pacl nuh kwewa; na puhla wo lowos an in fokokoi ye muhtuhn God ac mwe luti luhn pristut fah ahknwacsnwacsye nguhnuwos oacna ohu inkuhsrao (Liye D&C 121:45).

Meac nwacsnwacs? Prestuhn James E. Faust (1920–2007) el fahk: “Nwacsnwacs ke ohiyac fohn uh oraclah nohfohn ohiyac luhn suwohswohs ma kahsrwe kuht luhmahlah atacsr.”1 Prestuhn Gordon B. Hinckley (1910–2008) el laheslah: “Luhngse luhn God pa okan nwacsnwacs nuh kwewa, ke ma wowo nuh kwewa, ke kuh luhn atac nuh kwewa.”2

Ke kuhpahsr inmahsrlon muhtwacn ac nwacsnwacs uh, Elder D. Todd Christofferson ke U luhn Mwet Sap Singucul Luo el fahk: “Muhtwacn uh us tuhkuh yohrohlos sie kain nwacsnwacs nuh facluh, mwe sang muhtahl se ma oruh elos wo na pwacye ke oreyacn kain ma wo inge ma oacna luhlahlfongi, puhlaik, pahkomuhta, ac ahkwoye ke kuhpahsr ac ke facsin uh. …

“Tahmtahel, ke wi lowos nuh kwewa, pa kuhpahsr lowos nuh sin God, Pahpah tomowos Inkuhsrao, suc pa kahsruh nuh ke kuh luhn moul lowos, ma kowos enenuh in sang pacl nuh kwewa in ma se emet ke moul lowos an. Esam lah kuh luhn Jisus tuhkuh ke srihpen luhngse Lal nuh ke kena luhn Pahpah. … Srihke in oruh kain mwet tuhma lutlut sacn luhn Pahpah ac Wen, ac moklweyuck lowos fah tiac eflah.”3

Ma Suhmuhslah Ituckyang Sahyac

Psalms 24:3–5; Philippi 4:8; 2 Peter 1:3–5; Alma 31:5; D&C 38:23–24

Ke Ma Suhmuhslah uh

Mihsenge, muhtwacn nwacsnwacs, sesseslah ke luhlahlfongi, saplakyang nuh sin Mwet Lahngo. Ke Luke 8 kuht riti ke muhtwacn se suc maskihn muhsen srah la ke yac 12 ma tiac kuh in onweyucklac. El suk onweyac ke el “fahsryak tohkohl [Kraist], ac kahlyac puhluhn nuknuk lal ah: ac in pacl sacna mas luhn muhsen srah lal [tui]. … Ac Jisus El fahk, oasr mwet se kahlyucwi: mweyen Nga puhla muh oasr kuh luhk4 som likiyu.” Muhtwacn nwacsnwacs se inge fahsryak rarrar ac puhtati nuh ke nien Jisus, ac fahk “nuh Sel ye muhtuhn mwet nuh kwewa” lah “el kahlilyac” ac “mas lal wacngihnlac in pacl sacna. Ac Jisus El fahk nuh sel, Acn nutik, luhlahlfongi lom ahkkweyekomlac” (liye Luke 8:43–48; liye pac 6:17–19).

Ke kuh nwacsnwacs Lal,5 Kraist El kuh in onwelah, lwelah, ahkkweye, ahkwoye, ac engan ke kuht sulaclah ke puhlaik ac luhlahlfongi in saplakyang nuh Sel.

© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/14. Ahkkweyeyucklac ke Lweng: 1/14. Lwenglah luhn Visiting Teaching Message, June 2015. Kosraean. 12586 868

Mwe kahsruh

  1. James E. Faust, “The Virtues of Righteous Daughters of God,” Liahona, Mei 2003, 108.

  2. Gordon B. Hinckley, “Excerpts from Recent Addresses of President Gordon B. Hinckley,” Ensign, Eprel 1996, 73.

  3. D. Todd Christofferson, “The Moral Force of Women,” Liahona, Nohfuhmpuh 2013, 29, 31.

  4. Oasr kuh ke nwacsnwacs (liye Mark 5:30).

  5. Lun Mwe Kolyuck ke Ma Suhmuhslah, “Pristut” ahkuhtweyucki ohinge, Suwohs ac kuh ma God El acse nuh sin mukul in mukwikwi ke ma nuh kwewa nuh ke molwelah luhn mwet uh (Liye D&C 50:26–27).

Nuhnkuh Ma Inge

Nwacsnwacs uh ahkfokokoye ac ahkkweye kuht fuhkah?

Print