Mwet Fuhsr
Kuhpahsr Ma Pahtpaht nuh ke Sucu Luhk uh
Mwet sihm sac muhta fin acn Utah, USA.
Ke nga tuh nuhtlac ke matwac yac tolu ah, ninac se kiyuck ma osweyuclac ah lwelah nuht sac in oreklac fin pahpah ninac kiyuck ah insese in oruh akwuck luhk ke Alu ah in orwaclah akwuck uh tukun nga sun yac 12. El pahngon nga enenuh in mahtuh fal in sifacna oruh sulaclah, tuhsruhk upac na pwacye in tuhpan.
Ahok, upac na pwacye in liye kawuck puhs luhk in pacptaislac ke elos sun yac alkosr ah, tuhsruhk ma upac likina pa in etuh lah nga koflah siliyucki nuh sin pahpah ninac nuhtiyuc ah ac tuhlihk mahtuh limekohsr wiyuck ah ne ke nga sun yac 12. Nga sahngwengkihn lah oasr sie ma ac sunyuc ac ngwac koflah in siliyucki nuh selos.
Ke ac sun puhtte ahk 12 luhk ah, kuht muhtwacwacack plwacn nuh ke pacptais luhk ah ac sil nuh sin sucu luhk ah. Pahpah ninac kiyuck ah use ngan sulaclah lah tempuhl oyac kuht ac siliyucki kac uh. Nga nuhna nuhnkuh muh Tempuhl San Diego California pa kahto emet uh, oruh sucu na fohn se luhk ah inseselac in stosah kahsruhsr ne California in sili.
Nga tiac kuh in tuhpan in orwaclah sie sucu ma pahtpaht yurin pahpah ninac ac tuhlihk wiyuck ah. Ke puhlan pacl in sil luhk ah, yohk puhla luhk ke Nguhn oruh upac ngan fahk kac. Inge ke sahflahiyac ah nga siliyucki nuh sin sucu luhk uh, puhla elyah luhk ah ayaollac nuh ke inse wowo ac mihslac, in etuh lah nga inge kuhpahsr nuh selos ne tok.