2015
Chedaol Blekerdelel a Jesus Kristo: Kldung
June 2015

Klumech er a Oldingel e Olisechakl, Ongelolem el buil 2015

Chedaol Blekerdelel a Jesus Kristo: Kldung

Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera a klemedengei er kau el kirel a chedaol blekerdelel Osobel a le oisisii a klaumerang er kau er Ngii e lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a www.reliefsociety.lds.org.

Klaumerang, Telungalek, Ngeso

“A kldung bol bleiull er a uldesuem; e a klaumerang er kau a mo mesisiich er medal a Dios; e a osisechakl er a priesthood a mo mui er a rengum el uaia ngusech er a babeluades” (D&C 121:45).

Ngera Kldung? A President James E. Faust (1920–2007) a millekoi: “Sel kmal belkul a kldung a uldimukl er ngii a rokui el blekeradel er a llemalt el ngii a ngosukid el dosechii a ungil klechad er kid.”1 A President Gordon B. Hinckley (1910–2008) a dilchelii: “A beltikelreng er a Dios a risel a rokui el kldung, rokui el klungiaol, rokui el klisichel a blekerdelel a chad.”2

Sel deleuill er a redil me a kldung, e a Elder D. Todd Christofferson er a Chelechad er a Teruich me a terung el Apostol a dilung: “A redil a ulab a bebil er a teletael er a kldung el mei er a beluulechad, chedaol sengk el rulterir meng sebechir locholt a blekeradel er a klaumerang, blekeu, chubechub, e melisiich a deleuill me a siukang. …

“Rodos, chelsel aikel rokui el moruul, e sel delongeliu lobengkel a Dios, el Demmiu er a Babeluades, el ngii a uchul a rokui el klisiich, a seikid a kiriu el kot el nguu el mo ruchei er a klengar kemiu. Molatk el kmo a klisichel a Jesus a mlei lokiu sel ulterekokl el uldesuel el meruul er sel soal a Chedam. … Molasm el mo ngike loltirakl er a Chedam me a Ngalek, e a ungil blekerdelem a diak lengemed.”3

Bebil er a Chedaol llechukl

Psalms 24:3–5; Philippians 4:8; 2 Petrus 1:3–5; Alma 31:5; D&C 38:23–24

Ngara Chedaol Llechukl

Chelechal sils, e a remekedung el redil, el mui er a klaumerang, a ultuil er a Osobel. Chelsel a Lukas 8 e kede menguiu el kirel a redil el mla er ngii a secherel a rsechel el teruich me a eru el rak e dimlak el mukar. Ngii a ulsiik a ukeruul er a le mei “rullel a [Kristo], e rirtechii a rsel a bilel; meng di mle mereched el mo ungil er a [secherel]. … Me a Jesus a dula el kmo, Ngarngii a chad el mla rutechak; le a kulmelchesiu er a kldung4 el mla tuobed er ngak.” Ngika el kedung el mui er a klaumerang el redil a mlo mouat e riou er Medal, e ulechais “er ngii er mederir a rokui el chad” el kmo “ngii a mla rutechii” e “di mle mereched el mo ungil er a secherel. Meng dula er ngii el kmo, Redil, bo lungil a rengum; a klaumera er kau a mla churrengelau” (mesa Lukas 8:43–48; dirrek el mesa 6:17–19).

Ngokiu a kldung er Ngii,5 e a Kristo a sebechel omekungil, meskid, melisiich, mengeload, e meskid a deureng sel dolilt loba blekeu me a klaumerang losiik er Ngii.

© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/14. Kengei er a oidel: 6/14. Oidel a Visiting Teaching Message, June 2015. Palauan. 12586 881

Uleklatk

  1. Jakobus E. Faust, “The Virtues of Righteous Daughters of God,” Liahona, May 2003, 108.

  2. Gordon B. Hinckley, “Excerpts from Recent Addresses of President Gordon B. Hinckley,” Ensign, Apr. 1996, 73.

  3. D. Todd Christofferson, “The Moral Force of Women,” Liahona, Nov. 2013, 29, 31.

  4. Ngarngii a klisichel a Kldung (mesa Markus 5:30).

  5. Chelsel a Guide to the Scriptures e a, “Priesthood” a belkul a kmo: “Ngerachel me a klisiich el Dios a msa chad el meruul a rokui el tekoi el kirel osebelel a chad” (D&C 50:26–27).

Ka Momdasu er Tiang

Ng mekera kldung e meskid a klisiich e melisiich er kid?