Umlayezo Wokufundisa Ngokuvakasha, uJuni 2015
Izibonakaliso Ezingcwele zikaJesu Kristu: Ubumsulwa
Ngomkhuleko funda lemibhalo futhi ufune ukwazi ngalokho ongabelana ngakho. Ukuqonda impilo kanye nezindima zikaMsindisi kuzokhulisa kanjani ukholo lwakho kuYena futhi kubusise kanjani labo obaqaphile ngokufundisa ngokuvakasha? Ukuthola ulwazi oluningi ngalokhu, iya ku www.reliefsociety.lds.org.
Ukholo, Umndeni, Inkululeko
“Yenza ubumsulwa bujabulise imicabango yakho ngasosonke isikhathi. Bese ukuzithemba kwakho kuzakusebenza ngamandla phambi kukaNkulunkulu futhi imfundiso yobupristi izangcwelisa umphefumulo wakho njengamathonsi avela ezulwini” (D&C 121:45).
Buyini ubumsulwa? uMongameli uJames E. Faust (1920–2007) wathi: “Ubumsulwa ngomqondo opheleleyo kuqukethe konke okuyizenzo ezilungile ezisiza thina sibe yithina.1 uMongameli uGordon B. Hinckley (1910–2008) wangeza: “Uthando lukaNkulunkulu luyisiqalo kwakonke okumsulwa, okulungile konke, amandla wonke womuntu.”2
Kubudlwelwane phakathi kowesifazane kanye nosizo, iGosa D. Todd Christofferson weKhoramu labaPostoli Beshumi Nambili wathi: “Abasifazane baletha ubumsulwa obuthize lapha emhlabeni, isipho esingcwele esenza bona babe yizincwephe ekufundiseni izinto ezinjengokholo, isibindi, uzwelo, kanye nokuthuthuka kubudlwelwane kanye namasiko. …
“Bodade, kubobonke ubudlwelwane eninabo, kuwubudlwelwane kanye nani noNkulunkulu, uBaba wenu waseZulwini, owumthombo wamandla wokuziphatha kwenu, lokho okumele njalo nikubeke phambili ezimpilweni zenu. Khumbula ukuthi amandla kaJesu eza kumqondo wakhe wokuzimisela kwintando kaBaba. … Zama ukuba Nomusa kwizinceku zikaBaba kanye neNdodana, futhi isifundiso sakho asisoze sashabalala.”3
Eminye imiBhalo eNgcwele
iZaga 24:3–5; AbaseFiliphini 4:8; 2 uPeter 1:3–5; uAlma 31:5; D&C 38:23–24
Kuvela embhalweni Ongcwele
Namuhla abesifazane abalungileyo, abanokholo oluphelele, bafuna uMsindisi. Ku Luka 8 sifunda ngowesifazane owayenenkinga yegazi iminyaka engu 12 inkinga engazange yakwazi ukuxazululeke. Wathola usizo ngenkathi “eza emuva kuka[Kristu], wase ethinta ingubo yakhe emaphetheleni: futhi ngokuphazima kweso inkinga yegazi[yaphela]. … uJesu wathi, Kukhona umuntu ongithintile: ngiyabona ukuthi ubumsulwa lobo4 buphumile kimi.” Lona owesifazane owayelungile enokholo wawela phansi eduzane Naye, ememezela “kubobonke abantu” ukuthi uyewamthinta” futhi “waphola ngalesosikhathi. Futhi wathi kuye, Ndodakazi, khululeka: ukholo lwakho lukwenze waphelela” (bona uLuka 8:43–48; bona futhi 6:17–19).
Ngobumsulwa Bakhe,5 uKristu angalapha, enze, aqinise, aduduze, futhi athokozise uma sikhetha ngokuba nesibindi kanye nokholo ukuba sifune Yena .
© 2015 ngo Intellectual Reserve, Inc. Wonke amalungelo agciniwe. Kushicelelwe e-USA. Isingisi esivunyelwe: 6/14. Ukuhumusha okuvunyiwe: 6/14. Ukuhumusha ko Visiting Teaching Message, June 2015. Zulu. 12586 783
Cabanga Ngalokhu
Ubumsulwa benza kanjani ukuthi sikhone futhi sibe namandla?