ຊາວໜຸ່ມ
ຂຽນບັນທຶກ
ປະທານອຸກດອບປຽບທຽບວັນເວລາຂອງເຮົາ ໃສ່ກັບວັນເວລາຂອງຜູ້ບຸກເບີກ. ເຖິງແມ່ນວ່າເຈົ້າບໍ່ໄດ້ຍ່າງຂ້າມທົ່ງພຽງ, ແຕ່ເຈົ້າກໍເປັນເໝືອນດັ່ງຜູ້ບຸກເບີກ ເກີນກວ່າທີ່ເຈົ້າຄິດ! ເຈົ້າກໍສາມາດສະແດງຄວາມເຫັນອົກເຫັນໃຈ, ການເອົາໃຈໃສ່ຕໍ່ວຽກງານ, ແລະ ການເບິ່ງໂລກໃນແງ່ດີ. ເຊັ່ນດຽວກັບທີ່ເຮົາຮູ້ວ່າ ຜູ້ບຸກເບີກໄດ້ສະແດງ ຄວາມດີເດັ່ນເຫລົ່ານີ້ ເພາະເຂົາເຈົ້າໄດ້ຂຽນບັນທຶກໄວ້, ລູກຫລານຂອງເຈົ້າກໍຈະສາມາດຮູ້ຈັກເຈົ້າໄດ້ຄືກັນ ຜ່ານທາງປຶ້ມບັນທຶກສ່ວນຕົວຂອງເຈົ້າ.
ໃຫ້ໃຊ້ສອງສາມນາທີ ເພື່ອຂຽນບັນທຶກກ່ຽວກັບຕົວເຈົ້າເອງ ໄວ້ໃນປຶ້ມບັນທຶກສ່ວນຕົວຂອງເຈົ້າ. ເຈົ້າສາມາດຂຽນກ່ຽວກັບສິ່ງທີ່ເປັນທາງວິນຍານ, ເຊັ່ນວ່າ ວິທີທີ່ເຈົ້າໄດ້ຮັບປະຈັກພະຍານ ຫລື ເອົາຊະນະການທ້າທາຍ ດ້ວຍຄວາມຊ່ອຍເຫລືອຈາກພຣະບິດາເທິງສະຫວັນ. ເຈົ້າກໍສາມາດຊ່ອຍເຫລືອເຊັ່ນລູກຫລານຂອງເຈົ້າ (ຜູ້ທີ່ອາດຈະອ່ານປຶ້ມບັນທຶກສ່ວນຕົວຂອງເຈົ້າ ໃນມື້ໜຶ່ງ!) ໃຫ້ຮູ້ວ່າຊີວິດປະຈຳວັນຂອງເຈົ້າເປັນຈັ່ງໃດ. ເຈົ້າເຮັດໂຄງການອັນໃດແດ່ຢູ່ໂຮງຮຽນ? ຫ້ອງຂອງເຈົ້າເປັນລັກສະນະແບບໃດ? ຄວາມຈື່ຈຳພິເສດກ່ຽວກັບຄອບຄົວຂອງເຈົ້າມີອັນໃດແດ່?
ເມື່ອເຈົ້າເລີ່ມຕົ້ນຂຽນເລັກໜ້ອຍແຕ່ລະມື້, ເຈົ້າຈະບໍ່ພຽງແຕ່ສາມາດເຫັນຢ່າງແຈ່ມແຈ້ງວ່າ ພຣະບິດາເທິງສະຫວັນໄດ້ຊ່ອຍເຫລືອເຈົ້າແນວໃດແດ່ ໃນຊີວິດປະຈຳວັນຂອງເຈົ້າ, ດັ່ງທີ່ພຣະອົງໄດ້ນຳພາຜູ້ບຸກເບີກ, ແຕ່ເຈົ້າຈະປະມໍລະດົກໄວ້ໃຫ້ລູກຫລານຂອງເຈົ້ານຳອີກ.