Messaġġ tal-Għalliema taż-Żjajjar, Awissu 2015
Il-Kwalitajiet ta’ Ġesù Kristu: Mans u Umli
Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-ħajja tas-Salvatur u l-irwol Tiegħu jgħinek tkabbar il-fidi tiegħek fih u tbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
Ġesù qal, “L-akbar fostkom għandu jġib ruħu ta’ l-iżgħar wieħed; u min hu fuq l-oħrajn għandu jġib ruħu ta’ qaddej. Għax min hu l-akbar, dak li jkun fuq il-mejda, jew dak li jkun qiegħed jaqdi? Mhux dak li jkun fuq il-mejda? Imma jien qiegħed fostkom nagħmilha ta’ qaddej” (Luqa 22:26–27).
“Is-Salvatur huwa l-eżempju suprem tal-qawwa tal-umiltà u l-ubbidjenza. Wara kollox, li Huwa ssottometta Ruħu għar-rieda tal-Missier wassal biex ġab fis-seħħ l-akbar u l-aktar ġrajja qawwija fl-istorja tad-dinja. Jista’ jkun li l-aktar kliem sagru fl-iskrittura kollha hu sempliċiment, ’Ir-rieda tiegħek, u mhux tiegħi’ (Luqa 22:42).”1
Bħala dixxipli ta’ Ġesù Kristu, aħna dejjem nippruvaw li nkunu bħalu. “Il-manswetudni hija importanti ferm biex aħna nsiru nixbhu lil Kristu,” qal il-Presbiteru Ulisses Soares tas-Sebgħin. Mingħajrha ma nkunux kapaċi niżviluppaw virtujiet oħra importanti. Li nkunu mansi ma jfissirx li nkunu dgħajfin, iżda jfisser li naġixxu b’ mod twajjeb u ħanin, nuru l-qawwa, is-serenità, u nemmnu fina nfusna u nikkontrollaw lilna nfusna b’ mod xieraq.”2 Hekk kif naħdmu biex niżviluppaw din il-kwalità, aħna nsibu li “jekk aħna nissottomettu b’ umlità r-rieda tagħna mal-Missier dan iwassal biex ikollna f’ ħajjitna l-qawwa ta’ Alla—il-qawwa tal-umlità. Hija l-qawwa li niffaċċjaw l-avversità tal-ħajja, il-qawwa tal-paċi, il-qawwa tat-tama, il-qawwa ta’ qalb mimlija mħabba għas-Salvatur Ġesù Kristu u t-testimonjanza Tiegħu, sewwasew il-qawwa tal-fidwa.”3
Skrittura Addizzjonali
Mill-Iskrittura
Wieħed mill-aktar mumenti ħelwin u qawwija fil-ministeru ta’ Kristu kien meta Huwa ħasel riġlejn id-dixxipli Tiegħu. “Qam minn fuq il-mejda, neħħa l-mantar minn fuqu, ħa fardal u rabtu ma’ qaddu. Mbagħad ferragħ l-ilma fil-lenbija, u beda jaħsel saqajn id-dixxipli u jixxuttahomlhom bil-fardal li kellu ma’ qaddu” (Ġwanni 13:4–5).
Hekk kif is-Salvatur introduċa din l-ordinanza, id-dixxipli jafu tħawdu xi ftit li l-Mulej u l-Imgħallem tagħhom niżel għarkupptejh quddiemhom u wettaq dan is-servizz daqstant umli. Ġesù mbagħad spjega l-lezzjoni li ried li kemm huma kif ukoll aħna nitgħallmu:
“Mela jekk jien, li jien il-Mulej u l-Imgħallem, ħsiltilkom saqajkom, hekk intom għandkom taħslu saqajn xulxin.
“Għax jien tajtkom eżempju, biex kif għamilt jien magħkom, hekk tagħmlu intom ukoll.” (Ġwanni 13:14–15).
© 2015 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/15. Approvazzjoni tat-traduzzjoni: 6/15. Traduzzjoni ta’ Visiting Teaching Message, August 2015. Maltese. 12588 159
Ikkunsidra Dan
Li jkollna l-umiltà kif jista’ jgħinna nħobbu kif ħabb is-Salvatur?