Cov Me Nyuam

Ua Kom Koj lub Teeb Ci Ntsa Iab

Vim koj yog Vajtswv tus me nyuam, koj yog ib tug me nyuam los ntawm qhov kaj. Koj yuav tau qhov kaj ntxiv thaum koj ua raws li peb tus Cawm Seej, Yexus Khetos. Yexus Khetos thiab Leej Txiv Saum Ntuj Ceeb Tsheej hlub koj thiab xav kom koj ci ntsa iab rau lwm tus pom thiab coj lawv mus cuag Yexus Khetos. Koj muaj peev xwm ci ntsa iab thaum koj ua raws li cov lus txib, xws li kev thov Vajtswv thiab kev nyeem vaj lug kub. Cia li kos duab txog tej hnub qub rau ntawm ib daim ntawv thiab sau tej lub tswv yim rau cov hnub qub qhia hais tias koj yuav ci ntsa iab rau lwm tus pom thaum koj coj Yexus Khetos tus yam ntxwv (piv txwv hais tias, “mus rau lub koom txoos,” los yog “pab kuv tsev neeg”).