Thawj Pawg Thawj Tswj Hwm tsab Xov, Yim Hli Ntuj 2015
Sawv Ua Ib lub Teeb
Kuv tau muaj cib fim mus koom ntau txoj kev ua koob tsheej thaum peb muab tej lub tuam tsev fij tseg. Kuv yeej nyiam txhua txoj kev ua koob tsheej ntawd, tsis hais qhov uas kuv koom tsis ntev tas los nyob hauv Phoenix, Arizona, USA, thaum lub Kaum Ib Hlis Ntuj tas los.
Haiv Neeg Ntseeg hauv Hnub Nyoog Kawg cov tub hluas ntxhais hluas uas ua tej kev ua koob tsheej zoo kawg nkaus, uas peb yeej yuav nco ntsoov. Xyoo tas los nyob hauv Phoenix, ua ntej lawv ua kev koob tsheej ntawd, kuv hais rau cov uas tub hluas ntxhais hluas hais tias, “Nej yog cov me nyuam ntawm txoj kev kaj.”
Kuv xav kom txhua tus tub hluas ntxhais hluas ntawm lub Koom Txoos paub hais tias lawv yog cov me nyuam ntawm txoj kev kaj. Yog li ntawd, lawv muaj kev lav ris “ua tej teeb hauv lub ntiaj teb” (Filipis 2:15). Lawv muaj lub luag hauj lwm kom qhia qhov tseeb ntawm txoj moo zoo. Vajtswv tau hu lawv los sawv ua ib lub teeb rau lub tuam tsev, ua txoj moo zoo txoj kev kaj ci ntsa iab rau ib lub ntiaj teb uas tsaus ntuj zuj zus tuaj. Vajtswv tau txib lawv tu lawv lub teeb kom ua nplaim taws thiab ci ntsa iab.
Yog peb xav “ua peb lub neej rau cov ntseeg xyaum” (1 Timautes 4:12), peb yuav tsum ntseeg. Peb yuav tsum muaj kev ntseeg txaus kom nyiaj dhau ntawm sab ntsuj plig thiab ci ntsa iab rau lwm tus pom. Peb yuav tsum txhawb nqa peb zaj lus tim khawv mus txog thaum ruaj nrees nyob hauv peb lub neej.
Among the most effective ways to gain and keep the faith we need today is to read and study the scriptures and to pray frequently and consistently. To the youth of the Church, I say, if you haven’t done so, develop now a habit of daily scripture study and prayer. Without these two essential practices, outside influences and the sometimes-harsh realities of life can dim or even extinguish your light.
Yeej tsis yooj yim ua ib tug tub hluas los yog ntxhais hluas. Nov yog ib lub sij hawm uas Xatas yuav ntxias nej thiab rau siab yaum kom nej txhob taug txoj kev uas yuav coj nej rov qab mus rau nej lub tsev saum ntuj. Tiam sis thaum nej nyeem thiab thov Vajtswv thiab thaum nej ua hauj lwm pab lwm tus thiab mloog lus, nej yuav paub zoo dua txog lub teeb uas ci ntsa iab nyob hauv qhov tsaus ntuj (saib Q&K 6:21), peb tus Yam Ntxwv thiab peb lub zog—uas twb yog tus Tswv Yexus Khetos. Nws yog lub Teeb uas peb yuav tsum muab tsa kom txoj kev tsaus ntuj ploj mus (saib 3 Nifais 18:24).
Thaum nej muaj ib zaj lus tim khawv txog tus Cawm Seej thiab Nws txoj moo zoo uas txum tim rov qab los, nej yuav muaj cib fim ntau heev kom ci ntsa iab. Tej cib fim no los muaj nyob ib puag ncig nej txhua hnub, tsis hais nej raug dab tsi los yog. Thaum nej ua raws li tus Cawm Seej tus yam ntxwv, nej yuav muaj cib fim ua ib lub teeb rau cov neeg nyob ze nej lub neej—txawm yog lawv nyob hauv nej tsev neeg, lawv yog cov tub ntxhais kawm ntawv, cov neeg ua hauj lwm nrog nej, cov neeg uas nej tsis paub zoo, los sis cov neeg qhuas los xij.
Thaum nej ua ib lub teeb rau lub ntiaj teb, tib neeg nyob ib puag ncig yuav hnov ib qho zoo uas yuav ua rau lawv xav paub nej thiab ua raws li nej tus yam ntxwv.
Kuv thov kom cov niam tsev txiv tsev thiab cov thawj coj rau peb cov tub hluas ntxhais hluas pab lawv sawv khov kho rau qhov tseeb thiab kev ncaj ncees. Pab qhib kev rau lawv pom tau kev kawm ntawv, kev to taub, thiab kev pab lwm tus nyob hauv Vajtswv lub nceeg vaj. Pab lawv muaj dag zog txaus tiv dhau neeg ntiaj teb tej kev ntxias. Pab lawv muaj lub siab xav ua tsim txiaj thiab muaj kev ntseeg, xav thov Vajtswv, thiab tso siab rau Vajtswv ua lawv qhov chaw cuab zog.
Rau peb cov tub hluas ntxhais hluas, kuv qhia nej tias, peb Leej Txiv Saum Ntuj Ceeb Tsheej hlub nej. Thov kom nej yuav paub tias lub Koom Txoos cov thawj coj hlub nej npaum li cas. Thov kom nej yuav xav ua hauj lwm rau nej Leej Txiv Saum Ntuj Ceeb Tsheej thiab Nws Leej Tub. Thiab thov kom nej yuav taug txoj kev tseeb thiab sawv ua ib lub teeb rau Vajtswv cov me nyuam.
Qhia los ntawm tsab Xov No
Cia li xav seb puas xav sib tham nrog cov uas koj qhia hais tias ua “ib tug me nyuam los ntawm qhov kaj” txhais li cas. Ua rau yus muaj tej kev lav ris dab tsi? Tej zaum koj yuav xav sib tham txog tej lub sij hawm thaum lawv lub teeb ci ntsa iab thiab vim li cas tej yam twg ua rau lawv lub teeb ci ntsa iab. Cia li xav seb koj puas hais kom lawv xav txog ib tug neeg, xws li ib tug tub hluas ntxhais hluas, ib tug neeg ua hauj lwm, los yog ib tug nyob hauv lawv tsev neeg, uas tej zaum xav tau qhov kaj. Ces tej zaum nej yuav xav thov Vajtswv ua ke txog ib txoj kev kom faib qhov kaj rau tus neeg ntawd.
© 2015 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/15. Pub txhais ua lus Hmoob: 6/15. Kev txhais First Presidency Message, August 2015. Hmong. 12588 295