Pweng ke Forfor Luti, Septempuh 2015
Kuh Lucng me luhn Jisus Kraist: Kuhlwacna ac Sesseslah ke Wolacna
Pruhe na in lutlutkihn kuhfa inge ac suk in etuh ma in akacsruhi kac. Etuh ohiyac muhtahl luhn Mwet Lahngo ac ahkyohkye kuh in luhlahlfongi lowos Kacl ac ahkinsewowoye fuhkah mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Ma suhmuhslah uh luti kuht lah Jisus Kraist El eis kuh nuh kwewa, kwewa na kuhsrao ac fin facluh, ac wolacna luhn Pahpah oan yohrohl (liye D&C 93:17). Elder M. Russell Ballard ke U luhn Mwet Sap Singucul Luo el fahk lah ke kuh se inge mwet Lahngo lasr El oraclah kuhsrao ac facluh, oraclah ma usrnguck uh, ac muhtwacnglah mwe waek ke Gethsemane ac Calvary.1 Ke kuht kahlwem kac uh, luhlahlfongi lasr ke Kraist fah yohkwaclihk, ac kuht ac fah fokokoi.
Ke kuht orwaclah ac liyacacng wuhlwelah ke tempuhl uh, Leum El ac ahkinsewowoye kuht ke kuh Lal. Linda K. Burton, prestuhn luhlahp luhn Rilif Sosaiti, el fahk: “Liyacacng wuhlwelah uh ahkkweye, sang kuh, ac karihngihn. … Nga tuh tuhfahna ohsun sin kawuck na sacohk sasuc se. El fahkwack muh tukun el eis wuhlweacng in tempuhl lal, el puhlakihn lah el kuhi in lain mwe sruhf uh.”2
Nephi el fahkwack luhlahlfongi ke kuh luhn wuhlwelah uh: “Nga, Nephi, liye kuh luhn Lahm nuhtin God, puhtati … nuh fin mwet wuhlweacng luhn Leum, … ac elos nuklac ke suwohswohs ac ke kuh luhn God ke wolacna yohk.” (1 Nephi 14:14).
Ma Suhmuhslah Sifil Weacng
Ke Ma Suhmuhslah uh
Ke pahkotwen luhlahp Lal nuh sel Martha ac Mary, Jisus Kraist El taksuhlwack Lazarus ma wiyacltahl uh liki misac ke kuh luhn God suc ma oan in El.
Jisus El tuhkuh sun iwacl Martha ac Mary lwen ahkosr tukun Lazarus el misac oan tari in kuclyuck uh. Elos som nuh ke kuclyuck lal Lazarus uh, ac Jisus El sapkihn tuh in itucklac yot se afihn iwen ilyak uh. Jisus El fahk nuh sel Martha, “Mea, nga tia fahk nu sum tari lah kom fin lulalfongi kom ac liye wolana lun God?” Na El pruhelac nuh sin God Pahpah ac “el pang ke pusra lulap, ‘Lazarus, ilme!’
“Na el ilme. Paol ac nial srakna pihpla ke nuknuk in misa.” (Liye John 11:1–45.) Mwet Lahngo El orekmakihn kuh Lal in ahknwacsnwacsye ac ahkkweye kuht. Luhlahlfongi lasr in El fah yohkwaclihk ke kuht esam lah El sesseslah ke kuh ac wolacna.
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/15. Ahkkweyeyucklac ke lweng: 1/15 Lwenglah luhn Visiting Teaching Message, September 2015. Kosraean. 12589 868
Nuhnkuh Ma Inge
Kuh luhn God ac loangwe kuht fuhkah ke kuh ac wolacna?