Pweng sin Prestuhnsi Se Met, Septempuh 2015

Sucu an ac Pruhe

Sel Prestuhn Henry B. Eyring

Mwet in Kahsruh Se Met ke Prestuhnsi Se Met

Petsac

Prestuhn Henry B. Eyring

In pacl se, ke nga pihtucki infahron pahpah tuhmuhk uh ke fong uh, el sruhmuhn ke el srihkyak ah. El fahk ke luhngse luhn pahpah ninac kiyacl in pacl upac ac ke luhngse luhn Pahpah tuhmal Inkuhsrao ac Mwet Lahngo. Nga etuh lah el fahfahlac in misac ke cancer, na oruh tiac sasuc sihk ke pacl el fohsack ke puhla lal nuh sin Pahpah Lucng nuh ke luhngse ac kuhlwacng luhn pahpah na tuhmwacl fin facluh. Pahpah tuhmuhk el kwacna fahk lah ke el pruhe, el pahngon muh el kuh in liye in nuhnak lal isrwacsr srihsrihk luhn Pahpah Lucng.

Pahpah ninac kiyacl ah elos lotwel ke srihkasrak in pruhe oacna fin el sramsram na nuh sin God ac tuh God El fah tohpohkohl ke luhngse. El enenuh srihkasrak sacn nuh ke sahflah. Ke waek uh tuhkuh upaclac, kuht sokolwack ke lututacng uh sikuck muhtuhnte sisken mwe oan kiyacl ah. El muhnahslah na upac elan fohlohklac ona. El fahk nuh sesr lah el pruhe in siyuck sin Pahpah Lucng lah mac sis el kweoklacna ke el arlac srihke na in wo uh. El fahk lah sie top kuhlwacng tuhkuh: “God El enenuh wen puhlaik.”

Na el motlacni na ne ke sahflah, luhlahlfongi lah God El luhngse na el, lohnguhl, ac tuhfah srakluhlwack. El insewowo in sa etuh ac in tiac muhlkuhnlah lah God luhng kuhlwacng El fototo oacna sie pruhe.

Pa sis Leum El luti pahpah ninac uh, Ac elos fah luti pac tuhlihk nahtuhlos in pruhe, ac in fahsr suwohswohs ye muhtuhn God (liye D&C 68:28).

Wosasuc luhn Jisus Kraist uh tuh fohlohkihnyuckyak—wi Puk luhn Mormon ac kwewa ki ke pristut ma kuh in kapsrwacni sucu—mweyen Joseph Smith ke el srihk el pruhe ke luhlahlfongi. El eis luhlahlfongi sacn ke sucu luhng kuhlwacng ac luhlahlfongi se.

Yac longoul somlah ah Leum El acse nuh sin sucu uh pwenyuck se inge “Sucu: Sie Mwe Fahkwack nuh fin Facluh” sin Prestuhnsi Se Met ac U luhn Mwet Sap Singucul Luo lah “Pahyuck ac sucu wowo uh oreklac ac fahsrkihn ip yohk ke luhlahlfongi, pruhe, auliyak, nuhnak muhnahs, ahkfuhlwactye, luhngse, pahkomuhta, orekma, ac kain in mukwikwi wo sahyac pac.”¹

Kuht misac luhlahp in kuloh nuh sin sucu lal Joseph Smith Mwet Pahluh ke tohflah lal. Sucu lal ah oraclah srihkasrak tiac nuh ke luhlahlfongi ac pruhe muhkwena tuhsruhk wi pac auliyak, nuhnak muhnahs, ahkfuhlwactye, luhngse, pahkomuhta, orekma, ac kain in mukwikwi wo sahyac pac.

Fihl ma tuhkuh tukum an e pahngon kom insewowo ke srihkasrak wowo ke pruhe lowos in sucu an. Sahp kowos tiac tuhfahlah sie mwet kuhlwacnsap wowo luhn God, tuhsruhk kowos kuh ke pruhe lowos ac srihkasrak ke luhlahlfongi lowos kahsruh Leum Jisus Kraist tuhfahlah mwet tuhma lutlut luhng kuhlwacng.

Ke ma nuh kwewa ma kom kuh in sule kac in kahsruh Leum, pruhe uh wihnna pa emet kac uh. Oasr na mwet oacyac suc arlac kahlwem, lah ke elos pruhe, moklweack mwet sahyac in ikacslah muhtahlos in liye lah suc oasr uh. Kowos kuhna in oraclah luhman kain mwet inge.

Motko lah meac ma ingacn kalmac nuh selos suc sikuck muhtuhnte wi kowos ke pruhe luhn sucu. Ke elos puhlakihn lah kowos sramsram nuh sin God ke luhlahlfongi, luhlahlfongi lalos fah fokokoi pac in sramsram nuh sin God. Ke kowos pruhe in sang kuloh nuh sin God ke mwe insewowo elos etuh ma tuhkuh, luhlahlfongi lalos e kapwack tuh lah God El luhngse elos ac tuh El topuk pruhe lowos ac tuhfah tohpohkohlos. Ma ingacn kuh in sikyak ke pruhe luhn sucu ke na kowos wi puhlakihn tari ke pruhe lowos sifacna, pacl tukun pacl.

Nga srwackna insewowokihn pahpah se ac ninac se suc sramsram nuh sin God. Mwe srihkasrak lalos ke kuh luhn pruhe inmahsrlon sucu uh srwackna ahkinsewowoye fihl suc tuhkuh tohkohlos uh.

Tuhlihk nuhtihk uh ac nuhtin nuhtihk uh insewowokihn penga na lwen ke mwe srihkasrak luhn pahpah ninac kiyuck ah. Luhlahlfongi se ma sie God luhngse El lohng ac topuk pruhe uh som nuh yohrohlos. Kowos kuh in sramtweack kain mwe usrui inge in sucu lowos an. Nga pruhe tuh kowos fah oruh.

© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/15. Ahkkweyeyucklac ke lweng: 1/15. Lwenglah luhn First Presidency Message, September 2015. Kosraean. 12589 868

Ahkfuhlwactye Anniversary ahk LONGOUL ke Mwe Fahkwack luhn Sucu.

“Sucu: Sie Mwe Fahkwack nuh fin Facluh” luti ke mwe luti suc ma fal na nuh in pacl lasr uh oacna in pacl se emet ke Septempuh 23, 1995 ah. Nuhnkuh in suli mwet kuh sucu kowos luti an in wi ahkfuhlwactye ke mwe fahkwack ke Anniversary ahk 20 ke:

Tahkihn mwe luti oan kac suc ma oasr srihpac na wowo nuh selos kac an. (Liye luhman oreyac sel Prestuhn Eyring wi pruhe ke pweng se lucng inge.)
Lohlngohki lah kais sie mwe luti inge e ahkinsewowoye moul lalos fuhkah mihsenge ac ke pacl fahsruh uh.
In oaki finsrak kuh kac an in sang srilucng mwe luti an nuh in moul lalos ac in akacsruhi ma ingacn yurin mwet sahyac uh.