Mwet Fuhsr

Ahkorekmaye in Pruhe

President Eyring el luti lah sucu lowos uh kuh in insewowokihn kuhpahsr kuh lowos yurin Pahpah Lucng. Kowos kuh in ahkwoye sie sin sie lowos nuh Sel ke ahkkweyeyacn pruhe lowos an! Pa inge kuhtuh nuhnak ke ohiyac in oruh ohinge:

Met liki kowos ahkwot ke pruhe lowos an, eis pacl lowos in nuhnkuh ke ma kowos ke fahk uh. Motko siyuck ma sahp oasr suwos kuh ma srihpuclpuclye kowos uh—kowos kuh in suhmuhslah pacna tuh kowos in tiacna muhlkuhnlah. Orekmakihn pacl se pac inge in ahkmwesahsye nuhnak lowos an ke mwe fohs luhn lwen uh tuh kom in kuh in porongo mukwikwi luhn Nguhn Muhtahl. Fin nuhnkowos kwac tahkuhsrkuhsr ke puhlan pacl kowos pruhe, srihke in luhmahlah muh Pahpah Lucng El porongo. Sramsram in ip srihsrihkiyac. Oacyacpac, eslah kuhtuhsrihk pacl an ke kapihn pruhe an in lohng ke kolyuck luhn Nguhn. Kom e kuhna in suhmuhslah nuhnak lowos an ke journal nuhtuwos an.

Esam lah pruhe uh el sie kain in orekma, oruh tiacna arlac elyah fin ma ac enenuh ahkpah kuh fin luhman upac! Motlacni in pruhe lowos uh kuhna in kahsruh oakiyac sie sin sie nuh sin God ma e ahkinsewowo fihl an.