Te mau tamarii

Hoê faahaamana‘oraa no te pure

Te haapii nei te peresideni Eyring e mea faufaa roa te pure e to outou utuafare. E ti‘a ia outou ia riro ei hoê hi‘oraa no to outou utuafare ia pure ana‘e outou i te mau mahana atoa. E nehenehe atoa outou e faahaamana‘o i to outou utuafare ia pure amui i te mau mahana atoa. A haamana‘o i teie faahitiraa no roto mai i te hoê a‘oraa a te peresideni Eyring : « Te faaroo nei te Metua i te Ao ra i ta outou mau pure. Te here nei Oia ia outou. Ua ite Oia i to outou i‘oa » (« Heheuraa tamau », Liahona, Novema 2014, 73). A papa‘i i teie faahitiraa i ni‘a i te hoê api parau paari e aore râ i ni‘a i te papie e a pia i te hoê vahi i reira te utuafare taatoa e ite ai. E faahaamana‘o noa te reira ia outou e, te hinaaro nei te Metua i te Ao ra ia faaroo ia outou !