Feia apî

A haa i te pure

Te haapii nei te peresideni Eyring e, e nehenehe to outou utuafare e haamaitaihia na roto i to outou auraa puai e te Metua i te Ao ra. E nehenehe ta outou e haamaitai atu â i to outou auraa e Ona na roto i te haamaitai atu â i ta outou pure ! Teie te tahi mau mana‘o no te huru raveraa :

Na mua i te haamata i ta outou pure, a rave i te hoê taime no te feruri i te mea ta outou e hinaaro e parau. A feruri i te mau uiraa i roto ia outou e aore râ te mau mea o te haatapitapi nei ia outou—e nehenehe outou e papa‘i roa i te reira ia ore ia mo‘ehia ia outou. A faaohipa atoa i te reira taime no te tamâ i to outou varua i te mau arepurepuraa o taua mahana ra ia ti‘a ia outou ia tutonu i ni‘a i te mau muhumuhuraa iti o te Varua Maitai. Mai te peu e, te ihu haere ra to outou varua ia pure outou, a tamata i te feruri i te hoho‘a no te Metua i te Ao ra e faaroo mai ra ia outou. A parau ma te faataa maitai i te parau. Oia’toa, a faaea rii i te tahi taime i te pae hopea o te pure no te faaroo i te muhumuhu a te Varua. A papa‘i i to outou mau mana‘o i roto i ta outou buka aamu.

A haamana‘o e, te pure, o te hoê ïa huru ohipa, no reira, eiaha e haape‘ape‘a mai te mea e titauhia ia tamata faahou e faahou â e aore râ, e mea huru paari rii ! E nehenehe ta outou tautooraa i roto i te pure e tauturu ia haamau i te hoê auraa e te Atua o te haamaitai i te mau u‘i e rave rahi.