Serafo

Achocho ne Iotek

Preseten Eyring a afanafana pwe om famini ra tongeni feioch seni pochokunen nefinom ngeni Samach won Nang. Ka tongeni apochokuna nefinom ngeni I ren om achocho non om iotek! Ikkei ekkoch kokkot ren ifa usun kopwe fori:

Me mwen kopwe poputani om iotek, kopwe akkom kouno me ekieki usun met kopwe apasa. Ekieki ika mi fen wor om kapaseis are mettoch mi osukosukok— ka tongeni makkeretiw pwe kosap monnukireno. Kopwe aea ei fansoun om kopwe enimenimochueno om ekiek seni osukosuken ewe ran pwe kopwe awena om ekiek ngeni pweteten ourouren ewe Ngun mi Fel. Ika om ekiek mi kan soun mwanecheno nupwen ka iotek, sossot ne anapanapa pwe Semach won Nang mi ausening. Weneu om kapas. Pwan, nikiti ekkoch minich nesopun om iotek ne ausening ngeni ourouren ewe Ngun mi Fel. Kopwe makketiw met ka mefi non noum journal.

Chechemeni pwe iotek ew napanapen angang, ina popun kosap aureki ika pwe kopwe kaeo ngeni are ika pwe mi weires! Om achocho non iotek a tongeni anisuk ne anganga apochokuna nefinom ngeni Kot pwe epwe efeiochu tappin aramas.