Jodikdik ro

Jerbal ilo Jar

Būreejtōn Eyring ej katakin bwe baam̧le eo am̧ emaron̄ in jeram̧m̧an jān jem̧jerā eo am̧ ekajoor ippān Jemedwōj Ilan̄. Komaron̄ kōkōm̧anm̧anļo̧k jem̧jerā eo am̧ Ippān jān am̧ kōkōm̧anm̧anļo̧k jar ko am̧! Erkein rej jet ļōmņak ko kōn wāween kōm̧m̧ane āindein:

M̧okta jān am̧ jino jar eo am̧, bōk jidik iien im ļōmņak kōn ta eo kokōņaan ba. Ļōmņak kōn kajjitōk ko emaron̄ wōr ippam ak men ko rekar kainepataik eok—kwomaron̄ jeiki bwe kwon jab meļo̧kļo̧k. Kōjerbal iien in barāinwōt n̄an am̧ karreoik ļōmņak ko am̧ jān poktak ko an raan eo bwe kwon maron̄ mijōk wōt im̧we ko an Jetōb Kwojarjar. Eļan̄n̄e kōļmenļo̧kjeņ eo am̧ ekabōjrak an ļōmņak kōn ta eo kwon kar jar kake iien eo kwoj jar, kajjieon̄ in pijaik an Jemedwōj Ilan̄ ron̄jake. Kōnono ilo meļeļe ko ralikkar. Barāinwōt, bōjrak ium̧win jejjo minit ālkin am̧ jar im ron̄jake im̧we ko an Jetōb. Komaron̄ in je im̧we ko ilo jōnōl eo am̧.

Keememej bwe jar ej itok ilo jekjek in jerbal, kōn menin kwoj jab inepata eļan̄n̄e ebōk jet iien kamminene ko ak āinwōt epen! Am̧ kijejeto ilo jar emaron̄ jipan̄ eok kōm̧m̧ane juon jem̧jerā ikōtaam̧ ippān Anij eo enaaj kōjeram̧m̧an epepen ko.