Pweng ke Forfor Luti, Ohktohpa 2015
Kuh Lucng luhn Jisus Kraist uh: Sesseslah ke Pahkotwen ac Luhngse
Pruhe in lutlutkihn kuhfa inge ac suk in etuh ma in akacsruhi kac. Etuh ohiyac muhtahl luhn Mwet Lahngo ac ahkyohkye kuh in luhlahlfongi lowos Kacl ac ahkinsewowoye fuhkah mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Mwe Kolyuck nuh ke Ma Suhmuhslah uh ahkuhtweyac luhngse pwacye lah “pa fuhlwact emet, wolacna, kain luhngse se ma kuhlwacna emet uh” (“Luhngse Pwacye”). Pa inge luhngse pwacye luhn Jisus Kraist. Ke kuht luti ke Jisus Kraist ac srihke in oacna El uh, kuht tuhfah muhtwacwacack puhlakihn luhngse pwacye Lal in moul lasr ac pihrihk kuht in luhngse ac kuhlwacnsapuh mwet sahyac oacna El uh. “Luhngse pwacye uh pa in mongfihsrwacsr nuh sin el suc tiac oraclah fal nuh ke luhngse lasr uh,” pa Prestuhn Thomas S. Monson el fahk uh. “Pa in sang tulokihn nuhnak in tiac arlac fihsracsr in foloyak. Pa in lwelah ma muhnahs ac ma suhfal uh. Pa in lwelah mwet uh ke luhmahlos na pwacye. Pa in ngwetlah tuhpallah ohiyac kuh luhman mwet in sang nuh kac in wi ac tuhfah tiac eflah ke pacl uh. Pa in lain nuhnak in tiac srwelah mwet sahyac uh.”1
Ke Puk luhn Mormon uh, lutiyuck nuh sesr lah ke kuht “pruhe nuh sin Pahpah ke kuhiyacn insiowos nohfohn, tuh [kuht] in kuh in sesseslah ke luhngse se inge, ma El sang nuh selos nuhkwewa suc fahsr na pwacye tukun Wen nahtuhl, Jisus Kraist; tuh [kuht] in kuh in wen [ac acn] nuhtin God; tuh ke Elac fah sikme kuht fah oacna El, tuh kuht ac fah liyacl oacna El uh; tuh in oasr finsrak se inge yohrohsr; tuh kuht in kuh in ahknwacsnwacsyeyucklac oacna ke El nwacsnwacs” (Moroni 7:48).
Ma Suhmuhslah Ituckyang Sahyac
John 13:34–35; 1 Corinth 13:1–13; 1 Nephi 11:21–23; Ether 12:33–34
Ke Sramsram Mahtuh Lasr
“Tahmtahel se suc tuhfahna lolacplac suc tarilacna ke mwet forfor luti suc weluhl ke ahsor ac ahkwoyacl uh. El suhmuhslah: ‘Nga arlac enenuh sie mwet suc nga in sun; sie suc ma kuh in lohngyuc. … Na elos porongo. Elos ahkwoyeyuc. Elos wiyuc tuhng. Ac elos asruhi lac nuh sihk … [ac] kahsrweyuclac liki suhpwacr luhlahp ac toasr ke muhtuhn mahlwem muhkahimtacl ekahsr ah.’
“Muhtwacn se sahyac fahk ma el puhlakihn ke el ipeis kuhlwacng sin mwet forfor luti se: ‘Nga etuh lah nga tiac nempuh se na ke puk in suhmuhslah ke mwe forfor luti uh. Nga etuh tari lah el luhngse nga.’”2
Oacna tahmtahel inge, puhs Mwet Luhlahlfongi in lwen-Sahflah fin facluh kuh in wi insese nuh ke kahs se sel Prestuhn Boyd K. Packer, Prestuhn ke U luhn Mwet Sap Singucul Luo inge: “Fuhkah luhpan inse mihslac kac in etuh lah oacna sie acn [sucu uh kuh in] som nuh we, sucu se ke Alu uh sanwelos. E ke lwen se elos ai ac, mukul sac elac wi u se luhn pristut uh ac muhtwacn sac elac wi Rilif Sosaiti uh.”3
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn Visiting Teaching Message, October 2015. Kosraean. 12590 868
Nuhnkuh Ma Inge
Ohiyac ma Kraist El srihkasrak suwohswohs ke luhngse ac pahkotwen?