Mwet Fuhsr
Ahkngwengye Kahp in E Lom An: Lwen-30 in Sikeng
Nuh sin mwet fuhsr ke Alu uh ma moul kahfofo uh, fihsrwacsr in srwemlah ke ma kuht pahlah in oruh pengana lwen, yohkiyac uh na nuh ke ma luhn nguhn uh. Kuht riti ma suhmuhslah, pruhe, ac alu ke ohiyac sefanna apkuhran in lwen nuh kwewa ac na kuht suk lah efuh kuh oacna kuht in tiac eklac kuh kihluck.
Sie inkacnek ma wo emet in sang kahsruh nguhnnguhn in e lasr in fihrihr na pa in oruh in yohk kalmeyacn mukwikwi in nguhn lowos an. Tuhsruhk fihsracsr in fahk liki na in oreklac, na pa inge kuhtuh srihpac in kahsruh oruh moul in nguhnuwos in kapwack kac: Motkoelah sie mukwikwi ma kapsra wosasuc suc ma soenna wi orek (kuh suhkwac orekmakihnyuck) ac insacnweacng in oruh lwen nuh kwewa ke lusen mahlwem se. Kom kuh in muhtwacwacack srihk mweyen fihsrwacsr in ikihl ma srihsrihk in eklac ma ne tok lac. Oruh ma eis kuhtlac liki acn nguhnasr pah we uh sahp enenuh kuhtuh pac luhlahlfongi ac kuh ke ip lasr uh, tuhsruhk ke kuht oruh uh, kuht suli Nguhn Muhtahl in wi kuht, ac kuht ahkkahlwemye luhlahlfongi lasr ke Pahpah Lucng ac kena se lasr tuh in fototoyang nuh Sel. Pa inge kuhtuh nuhnak in mokle kom in ahkwot kac:
-
Oruh finsrak in pruhe lowos ke lututacng ac ekuh. Srihke pruhe ke puhsra yohk.
-
Sa in tuhkahkwek ke mihnit 15 ac riti ma suhmuhslah nuhtum an met liki lutlut ah.
-
Riti sramsram ke jacnuhruhl kanfracns somlah ah.
-
Sruhpuhsrwack sie fuhs ke Puk luhn Mormon in liyeyuck ke social media.
-
Lohng ke hymn kuh on in Alu sahyacn on kom lohng lwen nuh kwewa uh.