Mulwol ni Ngan Fil ni Ngan Nang, Oktober 2015
Rogon Yesus Kristus nib Thothup: Ba Sug ko Adag nge Tu’ufeg
Mmeybil nge biy’eg fapi babyor mu piry’eg e tin ngam mog. Urogon e gonop ni marnga’agen e yafos nge murwel rok Tathapeg ni ra gelnag e mich rom Ngak me fal’eg wa’athan e picha’an ni gabe guy ko visiting teaching? Ra tin ni ga ba adag ni ngam nang, man ko reliefsociety.lds.org.
Mich,Tabinaew, Ayuw
Fare Guide to the Scriptures e be weliy mornga’agen e adag ni “bin tha’abi tolang, nib yul’yul’, nib mite t’ufeg nib gel” (“t’ufeg”). Ba t’ufeg rok’ Yesus Kristus nib machalbog. Nap’an ni gadaed ra fil mornga’agen Yesus Kristus man athamgil ni ngan boed Ir, ma gadaed ra tabab i thamiy e t’ufeg Rok nib machalbog u lane yafas rodaed ma gadaed thamiy ni ngad t’ufeged boech e gidii’ man ayuweg raed ni rogon ni ra rrin’. President Thomas S. Monson e ga’ar, “T’ufeg e nge yag e gapas ngak bee’ nike kireb nag daed. “Yibe pag e leam ni rayog nge n’anggin ney ngan puwan’. Yibe nang fan e mo’waer nge kireb rok bee’. Yibe nang fan rogon e gidii’. Yibe sap ko rogon e gidii’ ni dar kireb nag raed ni gathi rogon ya’an. Darni gay rogon ni ngan kireb nag bee’.”1
Ulane fare Babyor ku Mormon, ma kad filed e n’en nib riyul’ ni ngad “mmeybil gaed ngak’ e en Chitamangiy u polo’ i gelingin gum’ircha’med, ni nge yog ni [ngad] sug gaed ko re adag ney, ni ke pii’ nga dakean gubin e pi’in nib riyul’ ni ma lek Fak, ni Yesus Kristus; ni nge yog ni [ngad] manged pifak Got; ni nge yog u nap’an ni nge yibi m’ug ma kad boeded ir, ya gadaed ra guy ni’ir e aram rogon; ni nge yog ngodaed e re athap ney; ni nge yog nni machalbog nagdaed ni boed ir nib machalbog (Moroni 7:48).
Ku Reb e Chep nib Thothup
John 13:34–35; 1 Korinth 13:1–13; 1 Nephi 11:21–23; Ether 12:33–34
Cheppin Rodad
“Ba ppin ni kafini yim’ e pumo’on rok e ba falfalen’ ko visiting teacher rok nikar unew ngak man pi’ e gapas ngak. Ke yoloey ni ga’ar, ‘Kari t’uf bee’ rog ni rayog ni ngug sap ngak ko ayuw; bee’ ni ra motoyil ngog. … Ma kar motoyil gow. Kar pi’ew e gapas ngog. Kar unew ngog ko miyor. Ma kar m’agew e bachbach ngog … [mar] ayuweg gow gaag u fithik e kirbaen’ u lan bin somm’on e pul ni gub kirbaen’.’
“Reb e ppin e weliy mornga’agen e thamtham rok nap’an ni ir e bee’ ni yag ban’en rok ko visiting teacher: ‘Gu manang ni gathi kemus ni gub namba u lane record ni nge yib nge guyeg. Gu manang ni gub t’uf rok.’”2
Boed e ra gal ppin ney, bukun e pi Gidii’en Got ko Tin Tomur e Rran u dakean e fayleng ni rayog nge micheg ko biney nib riyul’ nike yoeg President Boyd K. Packer, President ko fare Ulung ko fare Ragag nge L’agruwi Apostle: “Rib gapas ni ngan nang ni demtrug e gin ni [bay fare tabinaew riy], ma bay e tabinaew ni Galasia ni be soen nag raed. Nap’an ni ri taw gaed, ma ra mang ko ba ulung ko fare priesthood me mang ko Relief Society.”3
© 2015 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, October 2015. Yapese. 12590 905
Mu Lemnag ko Pin’ey
Urogon ni Kristus e wo’ rodaed nib mangil ko t’ufeg nge adag?