Fal’ Yangren

Suguy e Gil’aay Rom: Fare Sikeng u lane Guyey e Rran

Bitir ni fal’ yangren u lane Galasia ni yad ba magawon u lane yafas roraed, e rayog nib moem ni ngar mit gaed ko ta’ab ban’en, baga’ ni pin’en ni fan ko ya’el ban’en. Gadaed be bi’eg e pi chep nib thothup rodaed, meybil, ma yibe liyoer ni ta’ab rogon ni chugur ni gubin e rran ma arame gadaed leam nag ko mangfan ni darni gel gaed ni ya’el.

Reb e wo’ ni tha’abi mangil ni ngam ta’ e gil’aay rom nibe dromrom nib gel e ngam gay rogon ni nge buch e pin’en nib ya’el ngom. Machane moem ni yibe yoeg ko bin ni yibe rrin’, ere ba’aray ban’en ni nge ayuweg nem ngam ulul ko tin fan e ya’el ban’en: Leam nag e gosgos nib l’ag ko gospel ni daworum rrin’ bi’id (fa gathi ban’en ni gama rrin’) mag dugliy ni ngam rrin’ ni gubin e rran u lan reb e pul. Rayog ngam tabab nib achig ya gara gu’ nib moem ni ngan n’anggin e tin achig ban’en nge paer ni yibe rrin’. Pin’en ni yibe rrin’ ni ra chuweg daed ko tin fan e ya’el e ba t’uf e mich rodaed ngay nge murwel nib gel, machane nap’an ni gadaed ra rrin’, ma gadaed be pining fare Kan ni Thothup ni nge paer rodaed, ma gadaed be dag e mich rodaed ngak e Chitamangdaed nu Tharmiy nike gel nge gelngin ni gadaed ba adag ni ngad chugur gaed Ngak. Ba’ aray e gonop ni nge ayuweg nem ngam tabab:

• Dugliy ni ngam meybil ni kadbul nge balayal’. Gay rogon ngam meybil nib ga’ lumam.

• Ragag nge laal e ment um’on ni nge tabab e skul rom ni ngam od mag bi’eg e chep nib thothup rom.

• Bi’eg e pi numon ko genenral conference nike thimur.

• Post nag e chep nib thothup nike yib u lan fare ke Babyor ku Mormon nga social media.

• Motoyil ko pi hymn fa tang ko Galasia ko bin ni gabe motoyil ko musik ni ga ba adag.