Iwaad

Sin-aran ke Utuenikang Mbufo: Udomo-ukpeb Usen Edip-ye-duop

Eke mme iwaad ke Ufok Abasi eke eyohode ye ediwak mbubehe ke uwem, ekeme ndisososop ntre ke usung, akpan-akpan ke usung nkpo Abasi. Nnyin imekot Nwed Abasi nnyin, ibong-akam, inyung ituak-ibuot ke ukem usung kpukpru usen ndien idu ke mkpaidem ntak eke etiede nte nnyin isuk isosuhore ke nkpo Abasi.

Ata eti usung kiet ndinam man utuenikang spirit mbufo asasak ayama edi nditim nnam ete ke mbufo emenyene nworo-nda ifiok ke nkpo Abasi. Edi oro emem nditing akan ndinanam, ke ntre emi edi ekikere kiet eke edinwamde mbufo ndikori ke spirit: Kere banga edinam-iko Abasi kiet eke mbufo minamke akpa (mme eke misinamke) ndien biere ndinam oro kpukpru usen ke ufang ofiong kiet. Mbufo emekeme nditongo esisit koro mbufo eyekut ete ke emem ndinwongore mkpri edikpuhore nsin ke enye emi eke edibighide Ndinam mme nkpo eke adade okpong inem ndaha spirit nnyin ekeme ndiyom akwa mbuotidem ye ukeme oto nnyin, edi nte nnyin inamde mmo, nnyin imeyom Edisana Spirit ete edidu ye nnyin, ndien nnyin iwut akamba mbuotidem ke Ete ke Heaven ye udong nnyin ndisik mkpere Enye. Se emi edi mme ekikere ifang man anwam mbufo nditongo:

• Nam uduak ndibong akam kpukpru usenubok ye okoneyo. Domo ndisioro-uyio osong mbong akam.

• Bak demere idap ke minit Efut yung kot Nwed Abasi mbufo mbemiso aka ufoknwed.

• Kot mme eteting iko eke akwa mboho emi ekebede.

• Buana itie Nwed Abasi eketode Nwed Mormon ke social media.

• Kpang-utong kop ikwo Abasi ye ikwo Ufok Abasi ke nde eke mbufo ekpekopde ikwo ererimbot.