Pratham Adhyakshta ka Sandesh, October 2015
Ant Tak Apne Mashaal ko Jalne Do
Pradhaan Dieter F. Uchtdorf dwara
Pratham Adhyakshta ke Dusre Salaahkaar
Puraane jamaane Greece mein, lampadedromia naamak ek daudh mein daudhne waale bhaag liya karte the. 1 Daudh mein, daudhne waalon ke haath mein ek mashaal hota tha aur use dosre daudhne waalon ko diya jaata tha jabtak team ke sabhi sadasye ant tak nahi pahunchte.
Us team ko inaam nahi milta jo pahale pahunchta—balki us team ko inaam milta jiska ant tak mashaal jalta rahata tha.
Yaha par ek nipun sandesh hai, ek jo puraane aur naye bhavishyevaktaon ne sikhlaya hai: jabki zaroori hai ki ant tak susamachaar ke anusaar jeewan ko bitaaye, yah bhi zaroori hai ki jalti hui mashaal ke saath khatam bhi karein.
Solomon ne Shakti ke Saath Shuruwaat kiya tha
Mahaan Raja Solomom ek shaktishaali shuruwaat ka uddhaaran hai. Jab wah jawaan tha, wah “Prabhu se prem rakhta tha aur apne pita David ki vidhiyon par chalta tha” (1 Kings 3:3). Parmeshwar usse khush tha aur kaha, “Jo kuch tu chahe main tujhe doon wah maang” (1 Kings 3:5).
Dhan ya lambhe jiwan ke bajaaye, Solomom ne maanga ki “apne praja ka nyaye karne ke liye samajhne ki ayesi shakti de, ki main bhale bure ko parakh sakoon” (1 Kings 3:9).
Is baat se Prabhu itna prasann hua ki Usne Solomon ko na to sirf buddhi ka ashirwaad diya balki adhik dhan aur lambi jiwan ka bhi.
Bhale hi Solomon bahot budhimaan tha aur kai mahaan kaaryon ko kiya tha, wah ant tak shaktishaali nahi tha. Durbhaagyewash, baad mein apne jiwan mein, “Solomon ne wah kiya jo Prabhu ke drishti mein bura tha, aur Prabhu ke piche puri tarah se nahi chala” (1 Kings 11:6).
Humare Khudh ki Daudh ka Ant
Kitni baar hum ne kuch shuruwaat kiya aur khatam nahi kiya hai? Parhez? Kasrat yojna? Har roz dharamshaastra ko padhne ka vaada? Ishu Maseeh ke aur bhi achche chela banne ki faesla?
Kitni baar hum January mein faesle ko banatein hain aur kuch dinon, kuch hafton, ya mahinon tak bhi use theek tarah se nibhaatein hain sirf October tak hi pata chal jata hai ki, hum kamzor padh gaye hain aur pura nahi kar pa rahein hain?
Ek din maine ek mazedaar chitra mein ek kutte ko uske faate hue kapdon ke tukadon ke paas lete hue dekha. Us mein likha tha, “Kutte-ke Aagyaakri Prashikshan ka Sertificat.”
Hum kabhikabhi usi tarah ke ho jaatein hain.
Hum achcha chahatein hain; hum achchie tarah se shuruwaat kartein hain; hum achcha banna chahatein hai. Parantu ant mein hum apne parinaam ko faadtein, hataatein, aur bhula detein hain.
Yah insaan ka swabhaao hai ki dagmagaaye, girein, aur kabhikabhi koshish karna bandh kar dein. Magar Ishu Maseeh ke chelon ki tarah, humne sirf daud ki shuruwaat nahi kiya hai balki use khatam karni ki bhi—aur apne zor se jalti hui mashaal ke saath khatam karenge. Uddhaarkarta ne apne chelon ko vaada kiya hai ki, “Parantu jo ant tak dhiraj dhare rahega, uska uddhaar hoga” (Matthew 24:13).
Main tumhe batlata hoon ki Uddhaarkarta ne humare din ke liye kya vaada kiya hai: Agar hum Unke vaadon ko nibhaatein hain aur khatam hone tak mashaal jalaaye rakhtein hai, hume anant jiwan praapt hoga, jo Parmeshwar ka sabse bada uphaar hai (dekhiye D&C 14:7; 2 Nephi 31:20 bhi dekhiye).
Jyoti Jo Kabhi Bujhti Nahi Hai
Kabhikabhi dagmagaane, girne, ya haar maanne ke baad, hum niraash ho jaatein hain aur vishwaas kartein hai ki humari jyoti bujh gayi hai aur hum daud haar chuke hain. Parantu main gawahi deta hoon ki Maseeh ki Jyoti kabhi bujh nahi sakti hai. Wah humare sabse bade musibaton ke samay par bhi hai aur hume madad karega manzil tak pahuchne mein agar hum apne hriday mein Use humesha yaad karenge tab (dekhiye 1 Kings 8:58).
Chahe kitni baar hum girein ya kitni dur hum girein, Maseeh ki Jyoti humesha tez jalti hai. Aur bure samay par bhi, agar hum Usko yaad kartein hain, Uski jyoti hume raasta dikhlaega aur humari aatma ko bhar dega.
Yah chelatav ka daud thodi der tak ke liye nahi; balki bahot lambe samay tak ke liye zaroori hai. Aur is mein kitna jald baazi hum karte hai wah zaroori nahin hai. Vaastav mein, ant mein hum kis tarah se daudh mein haar saktein hai wah chodhne ya nachodne par nirbhar hota hai.
Jab tak hum shakti lagatein rahatein hain aur apne Uddhaarkarta ki or badhate rahate hain, hum jalte hue mashaal ke saath daudh jeet legein.
Mashaal humare baare mein ya jo hum kartein hain ke baare mein nahi hai.
Yah duniya ki Uddhaarkarta ke baare mein hai.
Aur yah jyoti hai jo kabhi kam nahi ho sakta hai. Yah wah jyoti hai jo andhere ko dur bhagata hai, humare zakhm ko bharta hai, aur gambheer dukh aur gambheer musibaton ke samay par bhi shakti deta hai.
Yah Jyoti hai jo shresht samajhdari deti hai.
Mai prarthna karta hoon ki hum sab wah chelatav ke jiwan par atal rahein jo humne shuruwaat kiya hai. Aur humare Uddhaarkarta aur Muktidaata, Ishu Maseeh ki madad se, hum khushi se khatam karenge aur humari jalti hui mashaal ke saath.
© 2015 dwara Intellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/15. Anuwaad swikriti: 6/15. First Presidency Message, October 2015. Hindi, Fiji. 12590 298 ka anuwaad
Is Sandesh Mein se Shikshan
Jinhein tum sikhlaao unko protsaahit karo ki weh sochein ki weh kaha hai apne jiwan ke “daudh” mein. Kya unke mashaal tez jyoti detein hain? Tum yah kahawat ko padh sakte ho jaha likha hai “Yah wah jyoti hai jo andhere ko dur bhagata hai, humare zakhm ko bharta hai, aur gambheer dukh aur gambheer musibaton ke samay par bhi shakti deta hai.” Phir jinhe sikhlaate ho unke saath waartalaabh karo ki kis tarah Maseeh ki Jyoti ne unke jiwan ko pahale prabhaawit kiya tha aur abh kis tarah se unke jiwan ko prabhawit karta hai.