Messaġġ tal-Għalliema taż-Żjajjar, Diċembru 2015
Il-Kwalitajiet ta’ Ġesù Kristu: Mans u Umli
Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-kwalitajiet divini tas-Salvatur ikabbar il-fidi tiegħek fih u jbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
“Fl-iskrittura, il-kelma kompassjoni tfisser letteralment ‘li ssofri ma’.’ Tfisser ukoll li turi simpatija, ħasra u ħniena ma’ ħaddieħor.”1
“Ġesù pprovdielna bosta eżempji ta’ kompassjoni,” qal il-President Thomas S. Monson. “Ir-raġel magħtub fil-menqgħa ta’ Betżada; il-mara li ttieħdet quddiemu minħabba adulterju; il-mara ħdejn il-bir ta’ Ġakobb; it-tifla ta’ Ġajru; Lazzru, ħu Marija u Marta —ilkoll jirrappreżentaw lil xi ħadd imweġġa’ jew saħansitra mejjet fit-triq ta’ Ġeriko. Kollha kellhom bżonn l-għajnuna.
“Lir-raġel magħtub ġewwa Betżada, Ġesù qallu, ‘Qum, aqbad friexek u imxi.’ Lill-mara midinba huwa wasslilha dan il-kunsill, ’Mur, u mil-lum ’il quddiem tidnibx iżjed.’ Biex jgħin lil dik li marret timla l-ilma, Huwa pprovdielha bir ta’ ilma ‘li jwassal sal-ħajja ta’ dejjem.’ Lit-tifla mejta ta’ Ġajru Huwa kkmandaha, ‘Tfajla, qiegħed ngħidlek, qum.’ Lil Lazzru li kien ġewwa l-qabar qallu, ‘Oħroġ.’
“Is-Salvatur dejjem wera kompassjoni bla limitu. … Ejjew niftħu l-bibien ta’ qlubna, sabiex Huwa—l-eżempju ħaj ta’ kompassjoni vera—jkun jista’ jidħol.”2
Skrittura Addizzjonali
Salm 145:8; Żakkarija 7:9; 1 Pietru 3:8; Mosiah 15:1, 9; 3 Nephi 17:5–7
Mill-Iskrittura
“Jiena u żewġi nżilna għarkopptejna ħdejn bintna ta’ 17-il sena u tlabna biex hija ma tmutx,” qalet Linda S. Reeves, it-tieni kunsillier fil-presidenza ġenerali tas-Soċjetà tal-Għajnuna. “It-tweġiba kienet le, iżda . … kien hemm bżonn li nsiru nafu … li … is-Salvatur għandu kompassjoni lejna fin-niket tagħna.”3
“Waħda mill-aktar stejjer favoriti tiegħi mill-ħajja tas-Salvatur hija l-istorja ta’ Lazzru. L-iskrittura tgħidilna li ‘Ġesù kien iħobbhom lil Marta u lil oħtha Marija u lil ħuhom Lazzru.’”4 Meta Lazzru kien marad sew, Ġesù kien ġie mgħarraf b’ dan, iżda meta Huwa wasal Lazzru kien diġà miet. Marija marret tiġri fuq Ġesù, inxteħtet f’riġlejh, u bkiet. Meta Ġesù ra lil Marija tibki, “ħass ruħu mqanqal u … beka” (Ġwanni 11:33, 35).
“Dan hu li mitlubin nagħmlu. Għandna nħossu u naraw b’ għajnejna u mbagħad ngħinu lill-ulied kollha ta’ Missierna tas-Smewwiet sabiex iħossu u jaraw u jsiru jafu li s-Salvatur tagħna ħa fuqu nnifsu mhux biss dnubietna kollha iżda wkoll l-uġigħ tagħna u s-sofferenza tagħna sabiex Huwa jkun jaf aħna x’ inħossu u kif jista’ jfarraġna.”5
© 2015 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/15. Approvazzjoni tat-traduzzjoni: 6/15. Traduzzjoni ta’ Visiting Teaching Message, December 2015. Maltese. 12592 159
Ikkunsidra Dan
Min jista’ jitbierek permezz tal-kompassjoni tiegħek?