Bayani diha sa Basahon ni Mormon
Si Nephi Nagmasulundon
Si Nephi kinahanglang mobuhat og daghang lisud ug makahadlok nga mga butang. Kinahanglan siya nga mobiya sa iyang panimalay, mokuha sa mga palid nga tumbaga gikan sa usa ka dautan nga tawo, ug motabang sa iyang pamilya nga makalahutay sa kamingawan. Apan siya misalig sa Dios ug nakakaplag sa kaisug sa pagsunod. Sa unsang paagi nga inyong masunod ang ehemplo ni Nephi karong bulana?
Ang akong mama ug ako misugod sa pagbasa sa Basahon ni Mormon. Samtang kami nagbasa mahitungod ni Nephi, nakaamgo ko nga si Nephi kanunayng mituman, ug siya napanalanginan tungod niini. Akong gibati nga mao kini ang husto nga paagi, ug ako gusto nga mahimong sama ni Nephi. Karon kon si mama moingon, “Ipagawas ang basura,” ako moingon, “OK, Ma!”
Heidi M., nag-edad og 10, Yeongnam, South Korea