Magmatinguhaong Moapil
Ang mga Santos sa Ulahing mga adlaw “matinguhaon nga moapil” (tan-awa sa D&P 58:27) sa pagbuhat og maayo sa tibuok kalibutan. Aniay pipila ka importanting mga bahin gikan sa miaging tuig
-
Sa Honduras, 600 ka mga Santos sa Ulahing mga Adlaw nga kabatan-onan mitabang sa mga sakop sa komunidad ug mga representante sa medikal ug militar sa pagpanlimpyo sa mga dapit nga modugok ang mga lamok.
-
Sa India, ang mga Santos sa Ulahing mga Adlaw nga kabatan-onan namintal sa pasilyo ug milimpyo sa mga klasehanan alang sa mga babaye sa Panggobyerno nga High School didto sa Hyderabad.
-
Sa Latvia, mga miyembro—nagsul-ob sa Mormon Helping Hands nga mga saliko ug T-shirt—gilimpyohan ang usa ka dapit sa komunidad, nakapundok og 70 ka sako sa basura.
-
Sa Tonga, ang mga Santos sa Ulahing mga Adlaw mipundok ug mipadala sa mga kamoting kahoy ug kulo ngadto sa Vanuatu, aron sa pagtabang sa mga biktima sa Bagyong Pam.
-
Didto sa Malaysia, ang Simbahan nakigtambayayong sa mga ahensya sa gobyerno sa pagsangkap og mga kagamitan sa pagluto ug refrigarator ngadto sa mga biktima sa baha ug mitudlo sa mga babaye unsaon sa pagluto gamit sa electric mixer ug oven.
-
Sa mga Isla sa Solomon, ang mga miyembro mitabang sa pag-instalar sa mga tangke sa tubig nga limpyo alang sa mga 2,000 ka mga tawo.
-
Sa Russia, ang mga Santos sa Ulahing mga Adlaw miapil sa pagpanglimpyo sa mga komunidad sa katapusan sa semana sa Pasko sa Pagkabanhaw.
-
Sa Turkey, ang mga miyembro sa Simbahan miapil sa usa ka musikal nga choir nga naglakip sa mga Katoliko, mga Protestante ug mga Muslim.