Ang akong higala mibiya sa Simbahan tungod kay ang uban mibugal-bugal niini. Unsay akong buhaton?

Ang labing maayong mga butang nga buhaton niana nga sitwasyon mao ang: (1) pagmabination, pagmahigugmaon, ug pagmadawaton sa imong higala ug (2) dili gayud magduha-duha sa imong pagpamatuod.

Kon buhaton kini nimo, ang imong higala tingali mobati sa imong gugma ug pagdawat ug gusto nga mahiduol kanimo. Usab, tingali makita usab niya nga ang pagbiay-biay ug pagbugal-bugal bati nga mga butang ug nga si bisan kinsa nga takus sa iyang pagdayeg ug pakighigala dili moataki sa pagtuo sa laing tawo niana nga paagi.

Ang imong ehemplo mahimong usa sa labing maayo nga mga butang nga maangkon sa imong higala. Pakigsama niadtong mga tawo sa damgo ni Lehi kinsa mikaon sa bunga sa kahoy sa kinabuhi ug gibiay-biay niadtong diha sa dako ug lapad nga gambalay apan “wala maminaw kanila” (1 Nephi 8:33). Kon ang imong higala nakakita nimo nga nanalipod sa imong pagtuo ug mibarug sa pagbiay-biay uban sa dignidad, pagtahud, ug maayong kinaiya, siya makakita nga posible alang kaniya ang pagbuhat sa ingon. Kon duna pay liso sa pagpamatuod sa iyang kasingkasing, ang ehemplo nga imong gipakita ug ang pagpamatuod nga imong gipahayag tingali mao ang pipila ka mga butang nga makatabang kaniya nga mobati sa Espiritu ug makahinumdom sa unsay iyang nahibaloan kaniadto.