Cov Hluas

Tej Yam uas Coj Tau rau Kev Zoo Siab

Thawj Tswj Hwm Eyring qhia hais tias, “kev zoo siab uas peb xav tau rau cov uas peb hlub nyob ntawm seb lawv xaiv dab tsi.”

Los ntawm Nifais, Lamas, thiab Lemu-ees tus yam ntxwv, koj nyeem tau tej yam uas muaj dhau los ntawm tej yam yus xaiv. Lamas thiab Lemu-ees yws yws thiab tsis tau xav ua raws li cov lus txib (saib 1 Nifais 2:12). Yog li ntawd, lawv thiab lawv cov xeeb leej xeeb ntxwv raug foom tsis zoo thiab raug txiav tawm ntawm tus Tswv lub xub ntiag (saib 2 Nifais 5:20–24). Nifais xaiv ua raws li cov lus txib (saib 1 Nifais 3:7), thiab vim li ntawd, nws thiab nws cov neeg “tau ua neej nyob zoo siab kaj siab lug” (2 Nifais 5:27).

Koj muaj peev xwm xaiv ua ncaj ncees thiab muaj kev zoo siab. Tiam sis cov neeg nyob ncig koj tej zaum yuav xaiv ua tej yam tsis zoo uas ua rau lawv tu siab thiab poob siab. Txawm tej yam lawv xaiv li ntawd yeej nyob ntawm lawv, koj tus yam ntxwv pab tau lawv xaiv tej yam zoo. Qhov uas koj xaiv ua zoo yuav coj kev zoo siab rau lwm tus li cas? Nrog koj tsev neeg sib tham txog tej yam uas koj ua tau kom pab cov ib puag ncig koj ua zoo thiab pab lawv muaj kev zoo siab.