Ngeasek

Omeruul el Uchul a Deureng

A President Eyring olisechakl el kmo a “a deureng el ngii a soad a le bo er a rebetik er a rengud a ultuil er a ikel lolilt el meruul tekoi.”

Ng sebechem el menguiu el kirel a kngtil me a klungiolel omelilt lomekesiu er a klengar er a Nephi, Laman, me a Lemuel. A Laman me a Lemuel a milngeremrum e dimlak el sorir loltirakl a llach (mesa 1 Nephi 2:12). A olchotel ruriul, e tir me a rengelkir me a rengelkir a rengelkir a mlo delbeakl e mlo cheroid er medal a Rubak (mesa 2 Nephi 5:20–24). A Nephi a millilt el mo oltirakl a llach (mesa 1 Nephi 3:7), me tiaikid a uchul, e ngii me a rechedal a “kiliei el ngara chelsel a deureng” (2 Nephi 5:27).

Ng sebechem el melilt el mo ngara llemalt me a deureng. Eng di a rechad el iliuekl er kau a locha mo melemolem el diak lungil melilt el uchul a mo kerior me a klengitelreng. Ng uaisei el tir a melilt el meruul, eng di a okesium a sebechel ngarngii a rellii el kirel a klungiaol. Ng mekera ikel molilt el meruul a bo luchul a deureng el mora rebebil? Mosaod lobengkel a telungalek er kau a kakerous el teletael el moruul el mo uchul a ungil tekoi el mo er tirkel iliuekl er kau el chad e mngesuterir el mo melchesuar a deureng.