Klumech er a Oldingel e Olisechakl, Kot el Buil 2016

A Telungalek: Chais el mora Beluulechad

Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera klemedengei er kau er a osisechakl el mora telugnalek a bo lomekngeltengat er tirkel momes e oldingel er tir? A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeso

Chelsel sel klou el miting er a Relief Society er sera 1995, e a President Gordon B. Hinckley (1910–2008) a mle kot el choiuii a “Telungalek: Chais el mo e ra Beluulechad,” e a Bonnie L. Oscarson, el mle merredel er a cherrengelel a Young Women a dilu el kmo: “Kede mereng a saul el kirel a bleketakl, e beot, e klemerang el tekoi er a chelsel tial chedaol ocholt. … Tial chais el kirel a telungalek a mla mo dodai er kid se el dorritel a uldesuel me a tekingel a beluulechad, e ngak ouchais el kmo a osisechakl el ngara chelsel … a kmal klemerang er chelechal sils el di uai se el taem er a le beskid a profet er a Dios er a lluich el rak er a memong.¹

“Chelsel tial klumech el mora telungalek,” e a Carole M. Stephens, el kot el counselor er a cherrengelel omerredel er a Relief Society a dochelii el kmo, “kede subii el kmo, ‘se el klengar kid ruchei, e a rengalek er a reng el sechal me a redil a mle medengelii e milngull er a Dios el Diak a Ulebengelel Demerir’² …

“… A dersta er kid a ulsiseb er a chelsel e usbechall er a chelsel a telungalek er Dios.”³

Kede kiei er a taem el rchedam me a rchedil a kirir lomecheliu a rekeblirir me a telungalek er tir. “A Telungalek: Chais el mora Beluulechad” a sebechel mekrolid.

Bebil er a Chedaol llechukl

Mosiah 8:16–17; Doctrine and Covenants 1:38

Meral Cheldecheduch

“A Lee Mei Chen Ho er a Tao Yuan Third Ward, er a Tao Yuan Taiwan Stake, a millekoi el kmo tial chais el kirel a telungalek a mla osischeklii el kmo a deleuill er a telungalek a dirrek el uchul chedaol blekeradel el uaia rua klaumerang, kllouelreng, me a beltikelreng. ‘Sel kulasm el mo ungil e kultirakl aikal tekoi er tial kluemch, e ak melchesuar a deureng,’ ngii a millekoi.”⁴

A Barbara Thompson, el ngii a mla er tial ongdibel er sera le kot el mechuiu tial chais e a uriul eng mlo counselor er a cherrengelel omerredel er a Relief Society, a millekoi: “Ak ulemdasou el kmo tial [chais el mora telungalek] a dimlak a kmal belkul el mei er ngak le ng dimlak bechiil er sel taem me a dimlak kuungalek. Eng di a kmal di mle mereched el mo omdasou el kmo, ‘Ng melutk el kirek. Ngak a chedal a telungalek. Ngak a redil, odos, anti, e cousin, e niece, e ngelekel a mechas ma rubak. … Me a di blok chimol chedal a ikelesia er a chelsel a telungalek er ngak, e ak di melemolem el chedal a telungalek er a Dios.’”⁵

© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, January 2016. Palauan. 12861 881

Ka Momdasu er Tiang

Ng mekerang a “Telungalek: Chais el mora Beluulechad” e melutk el kired er chelechal sils?