Lamharon

Mga Buhat nga Nagatuytoy sa Kalipay

Si Pangulong Eyring nagapanudlo nga “ang kalipay nga luyag naton para sa aton mga pinalangga nagasandig sa ila mga pagpili.”

Mabasa ninyo ang parte sa epekto sang mga pagpili gikan sa mga ehemplo nanday Nefi, Laman, kag Lemuel. Si Laman kag Lemuel nagkumod kag indi gusto nga magtipig sang mga kasuguan (tan-awa sa 1 Nefi 2:12). Bilang resulta, sila kag ang ila mga kaliwat ginpakamalaut kag ginsikway sa nahamtangan sang Ginuo (tan-awa sa 2 Nefi 5:20–24). Si Nefi nagpili nga magtuman sang mga kasuguan (tan-awa sa 1 Nefi 3:7), kag tungod sina, sia kag ang iya katawhan “nagpuyo suno sa paagi sang kalipayan” (2 Nefi 5:27).

Sarang kamo magpili nga mangin matarong kag mangin malipayon. Ugaling ang mga tawo sa palibot ninyo ayhan magahimo sa gihapon sing sala nga mga pagpili nga magadala sang kalisud ukon pag-antus. Samtang inang mga desisyon ila diretso sa paghimo, ang inyo ehemplo mahimo mag-impluwensya sang ila mga pagpili para sa kaayuhan. Paano ang inyo mga pagpili nagadala sang kalipay sa iban? Hambali upod sa inyo pamilya ang nagkalainlain nga mga paagi nga mahimo ninyo maimpluwensiyahan sing maayo ang mga yara sa inyo palibot kag buligan sila nga makabatyag sing kalipay.