Agtutubo

Dagiti Tignay a Mangiturong iti Ragsak

Isuro ni Presidente Eyring a “ti ragsak a tarigagayantayo para kadagiti ay-ayatentayo ket agpannuray kadagiti pilida.”

Mabalinyo a basaen ti maipapan iti epekto a mabalin nga adda iti pili manipud kadagiti pagwadan da Nephi, Laman, ken Lemuel. Nagdayamudom da Laman ken Lemuel ket saanda a kinayat ti agtungpal kadagiti bilin (kitaen iti 1 Nephi 2:12). Kas banagna, nailunodda ken dagiti kaputotanda ken napapanawda manipud iti sidong ti Apo (kitaen iti 2 Nephi 5:20–24). Pinili ni Nephi ti agtungpal kadagiti bilin (kitaen iti 1 Nephi 3:7), ken gapu iti dayta, isu ken dagiti taona “nagbiagda iti kinaragsak” (2 Nephi 5:27).

Mabalinmo a pilien ti agbalin a nalinteg ken naragsak. Ngem nalabit a dagiti tao iti lawlawmo ket agaramidda kadagiti madi a pili a mangiturong iti panagrigat ken saan a pannakagin-awa. Idinto nga isuda ti akin-aramid kadagiti pangngeddeng, mabalin a makaimpluensia ti pagwadam kadagiti pili nga aramidenda. Kasano a makaisangbay iti ragsak kadagiti dadduma dagiti pilim? Paglilinnawaganyo iti pamiliayo dagiti nadumaduma a wagas a mabalin a makaimpluensia a nasayaat kadagiti adda iti lawlawyo ken makatulong kadakuada a makarikna iti ragsak.