Mensahe iti Visiting Teaching, Enero 2016
Ti Kaamaan: Maysa a Waragawag iti Lubong
Nainkararagan nga adalenyo daytoy a material ken kalikagumanyo nga ammuen no ania ti ibinglayyo. Kasano a ti pannakaawat iti doktrina ti pamilia ket mangbendision kadagiti ay-aywananyo babaen ti visiting teaching? Para iti ad-adu pay nga impormasion, mapan iti reliefsociety.lds.org.
Pammati , Pamilia , Tulong
Maipapan iti sapasap a miting iti Relief Society idi 1995, idi immuna a binasa ni Presidente Gordon B. Hinckley (1910–2008) ti Ti Kaamaan: Maysa a Waragawag iti Lubong,“ kinuna ni Bonnie L. Oscarson, sapasap a presidente ti Young Women: “Agyamankami ken ipategmi ti kinalawag, kinasimple, ken kinapudno daytoy a dokumento maipapan iti paltiing. … Ti waragawag iti kaamaan ket nagbalinen a pagrukodan iti panangeddeng kadagiti pilosopia ti lubong, ket paneknekak a dagiti prinsipio a naituding … ket pudno ita a kas idi inted kadatayo ti maysa a propeta ti Dios iti dumani 20 a tawenen ti napalabas.”1
“Manipud iti waragawag ti kaamaan,” innayon ni Carole M. Stephens, umuna a mammagbaga iti sapasap a panguluen ti Relief Society, “masursurotayo, ‘Iti biag sakbay a nayanak iti daga, ammo ken dinaydayaw dagiti espiritu nga annak a lallaki ken babbai ti Dios kas Agnanayon nga Amada’2 …
“… Maibilangtayo ken masapuldatayo iti pamilia ti Dios.”3
Agbibiagtayo iti panawen a nasken a salakniban dagiti nagannak dagiti pagtaengan ken kaamaanda. “Ti Kaamaan: Maysa a Waragawag iti Lubong” ket mangiwanwan kadatayo.
Dagiti Mainayon a Nasantuan a Kasuratan
Dagiti Estoria ti Tattao a Sibibiag Pay
“Kinuna ni Lee Mei Chen Ho manipud iti Tao Yuan Third Ward, Tao Yuan Taiwan Stake, a ti waragawag ket nakaisuro kenkuana a dagiti panaglalangen ti kaamaan ket makatulong a mangpadur-as kadagiti nadiosan a kababalin kas iti pammati, panaganus, ken ayat. ‘Idi padasek a pasayaaten ti bagik a mayannurot iti waragawag, mapadasak ti pudno a kinaragsak,’ kinunana.”4
Kinuna ni Barbara Thompson, nga adda idi maibasa ti waragawag iti umuna a gundaway ken idi agangay nagserbi a kas maysa a mammagbaga iti sapasap a panguluen ti Relief Society: ‘Napanunotko iti apagkanito a [ti waragawag ti pamilia] ket saan a maipanggep unay kaniak gapu ta awan pay asawak ken awan pay annakko idi. Ngem alisto a napanunotko, ‘Ngem maipanggep kaniak daytoy. Miembroak ti maysa a pamilia. Maysaak nga anak a babai, kabsat a babai, ikit,kasinsin, kaanakan, wenno apoko a babai. … Uray no sisiak laeng ti sibibiag a miembro ti pamiliak, miembroak pay laeng ti pamilia ti Dios.’”5
© 2016 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/15. Pannakaanamongna a maipatarus: 6/15. Pannakaipatarus ti Visiting Teaching Message, January 2016. Ilokano. 12861 864
Ibilang Daytoy
Kasano a ti “Ti Kaamaan: Maysa a Waragawag iti Lubong” ket maysa a dokumento para iti panawentayo?