Mwet Fuhsr

Mukwikwi Ma Kol nuh ke Engan

Prestuhn Eyring el luti fahk lah “engan se ma kuht finsrakkihn nuh selos suc kuht luhngse kuh in sikyak wiwina sulaclah lalos.”

Kom kuh in riti ke ma sikyak ma tuhkuh ke sulaclah ke srihkasrak lal Nephi, Laman, ac Lemuel. Laman ac Lemuel tohrkahskahs ac tiac luhngse liyacacng masap (liye 1 Nephi 2:12). Eltahl ac tuhlihk nahtuhlos selngawiyucki ac utiyucklac liki ye muhtuhn Leum (liye 2 Nephi 5:20–24). Nephi el sulaclah in ahkos masap (liye 1 Nephi 3:7), ac ke srihpac sacn, el ac mwet lal “moulkihn moul na engan” (2 Nephi 5:27).

Kom kuh in sulaclah in moul suwohswohs ac engan. Tuhsruhk mwet ma raunikowoslac uh sahp ac srwack oruh sulaclah suhfal ma ac kohlohloslac nuhke kweok kuh puhla koluk. Ke sulaclah an ma lalos in oruh, srihkasrak lowos uh kuh in mokle sulaclah lalos an in wo. Sulaclah lom uh ac use engan fuhkah nuh sin mwet sahyac? Sramsramkihn nuh sin sucu lom ke kain ohiyac wowo ma kowos kuh in sang kahsruh mwet suc raunikowoslac ac kahsrwelos in puhla engan.