2016
Sucu: Sie Mwe Fahkwack nuh fin Facluh
January 2016

Pweng ke Forfor Luti, Jacnwacri 2016

Sucu: Sie Mwe Fahkwack nuh fin Facluh

Pruhe ke kom lutlutkihn kuhfa inge ac suk in etuh lah meac kom ac akacsruhi kac. Kahlwem lom ke mwe luti ke sucu uh ac ahkinsewowoye fuhkah elos suc kom karihngihn ke forfor luti lom an? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Ke toeni luhlahp luhn Rilif Sosaiti ke 1995 ah, ke Prestuhn Gordon B. Hinckley (1910–2008) el riti ke “Sucu: Sie Mwe Fahkwack Nuh Fin Facluh,” Bonnie L. Oscarson, jacnuhruhl Prestuhn luhn Muhtwacn Fuhsr, el fahk: “Kuht srui ac sohkihn kahlwem, fihsracsriyacn, ac suwohs luhn fwackyuck inge. … Mwe fahkwack luhn sucu uh pa ekihn mwe kolyuck in luti ma kuht orekmakihn in sang nuhnuhnkuh lahlmwetmwet luhn facluh, ac Nga fahkwack lah mwe luti ma oakiyucki inge … pwacye mihsenge oacna ke tuh utuckuh nuh sesr sin mwet pahluh se luhn God ke yac 20 somlah ah.”1

“Ke fahkwack luhn sucu,” Carole M. Stephens, mwet kahsruh se met ke presituhnsi ke Rilif Sosaiti el tahfuh, “kuht lotwelah lah, ‘Ke moul se met ah, mukul ac muhtwacn nguhn kahlwem kac ac alu nuh sin God suc ekihn Pahpah tuhmwaclos ma pahtpaht’2 …

“… Kais sie sesr ma ke sucu uh ac enenweyuck ke sucu luhn God.”3

Kuht muhta ke sie pacl ma ninac pahpah enenuh in taran iwaclos ac sucu lalos an. “Sucu: Sie Mwe Fahkwack nuh fin Facluh” kuh in kol kuht.

Ma Suhmuhslah Sahyac

Mosiah 8:16–17; Doctrine and Covenants 1:38

Sramsram Sikyak

“Lee Mei Chen Ho ke Ward, AhkTolu keTao Yuan Taiwan Stek, el fahk lah mwe fahkwack nuh facluh uh lotwelwacng lah sie sin sie luhn sucu kahsruh ahkyohkye ohiyac wowo oacna luhlahlfongi, mongfihsrwacsr, ac luhngse. ‘Ke nga srihke in ahkwoyeyuc in fal nuhke mwe fahkwack sac, nga puhlakihn engan pwacye,’ el fahk.”4

Barbara Thompson, suc ma oasr in pacl se emet fahkwack se inge ritiyuck ac tok kuhlwacnsap ekihn sie mwet kahsruh ke presituhnsi ke Rilif Sosaiti, el fahk ohinge: “nga motko muh [fahkwack ke sucu] tiac arlac ma nuh sihk ke srihpen nga soenna pahyuck ac wacngihn tuhlihk nuhtihk. Tuhsruhk nga sa na nuhnkwacack, ‘Tuhsruhktuh ma pac nuh sihk. Nga mempuhr se ke sie sucu. Nga tuhlihk muhtwacn se, tahmtahel se, ninac wiyacn ninac se, kuhsin, tuhlihk muhtwacn nuhtin wiyacn pahpah kuh ninac, ac tuhlihk muhtwacn nuhtin pahpah ninac mahtuh se. … Finne nga muhkwena luhlah in sucu luhk uh, nga srwackna ekihn sie mwet ke sucu luhn God uh.’”5

© 2016 by Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn Visiting Teaching Message, January 2016. Kosraean. 12861 868

Ma sihmlac

  1. Bonnie L. Oscarson, “Defenders of the Family Proclamation,” Liahona, Mei 2015, 14–15.

  2. “Sucu: Sie Mwe Fahkwack nuh fin Facluh,” Liahona, Nohfuhmpuh 2010, 129.

  3. Carole M. Stephens, “Sucu uh Ma Luhn God,”Liahona, Mei 2015, 11.

  4. Nicole Seymour, “‘Sucu: Sie Mwe Fahkwack nuh Fin Facluh’ sun Milestone Yac-10, Liahona, Nohfuhmpuh 2005, 127.

  5. Barbara Thompson, ke Daughters in My Kingdom: The History and Work of Relief Society (2011), 148.

Nuhnkuh ke Ma Inge

Fuhkah tuh “Sucu: Sie Mwe Fahkwack nuh Fin Facluh” sie ma sihmlac na kuh in lwen inge?