Feia apî

Te mau ohipa e arata’i ti’a atu i te oaoa

Te haapii nei te peresideni Eyring e, « te oaoa ta tatou e hinaaro ra no te feia tei herehia e tatou, tei te huru ïa o ta ratou mau ma’itiraa ».

E nehenehe ta outou ia tai’o i te mau faahopearaa o te mau ma’itiraa mai roto mai i te hi’oraa o Nephi, Lamana e Lemuela. Ua ohumu Lamana e o Lemuela e aita raua i hinaaro ia haapa’o i te mau faaueraa (hi’o 1 Nephi 2:12). Ei faahopearaa, ua anatemahia raua e to raua huaai e ua tâpû-ê-hia ratou mai mua’tu i te aro o te Fatu (hi’o 2 Nephi 5:20-24). Ua ma’iti Nephi e haapa’o i te mau faaueraa (hi’o 1 Nephi 3:7), e no reira, « parahi ihora [oia e to’na mau taata] ma te oaoa » (2 Nephi 5:27).

E nehenehe ta outou ia ma’iti ia ora ma te parau tiʻa e ia oaoa. Tera râ, e tamau noa paha te mau taata ati a’e ia outou ia rave i te mau ma’itiraa tano ore o te arata’i i te mamae e te oraraa au ore. Parau mau, na ratou iho e rave i te reira mau ma’itiraa, e nehenehe râ to outou hi’oraa ia tauturu i ta ratou mau ma’itiraa maitai. E mea nahea ta outou mau ma’itiraa i te faatae i te oaoa ia vetahi ê ? A tau’aparau e to outou utuafare i te mau rave’a no outou ia faauru i te feia ati a’e ia outou, no te tauturu ia ratou ia farii i te oaoa.