Iwaad
Nsongo-nda eke Iko ntiense Mi enyenede
Andiwet odung ke Utah, USA.
Ini eke ami nkedide isua Efurekiet, ufan mi kiet ama asanga ye mme okworo-iko Abasi edi ufok nnyin. Ke ufang ofiong kiet tongo iketongo akpa ukpebnkpo iko Abasi, ema etim eboro ofuri mbume mi anwanga mi. Ami mma nkop nte Edisana Spirit etiede ntiense akpaniko ono mme etop oro kabanga Edifiak-men-ndi iko Abasi emi. Oro ikebietke nkpo eke ami mikopke akpa, ndien ami mma ndiongo nte ke ofuri nkpo oro edi akpaniko.
Nte ededi, ami mma nnyene ediwak ubiongo ye efanga nkan nte ekedide ke akpa. Ami mma nkop ndobo-ikpong, mmem-idem ye ndutime. Edieke edide ami nkanam eti nkpo, nsidi ntak eke ami nsobode ye ediwak ubiongo emi? Ami nkekemeke ndifiok danga nte mme idomo mi ediworo ufon ino mi. Mme okworo-iko Abasi ema ekpeb mi ete ntre-udia nnyung mbong-akam, mme ekpedi ke ufot-ini usen ufoknwed. Ke ini eke nkpo edikponde akan mi ndiyo ami mma ntongo ndibong-akam, ndien ke ndo-ndo-oro mbo ndongesit eke Spirit.
Urua eke ami nkenade baptism okoyoho ye mme idomo. Ete ufok mi ke itie utom ama-ebiere ndibin mi nsio ke utom edieke ami mme ntreke ndina baptism man ndinam utom nno owo efen eke midikemeke ndinam utom, ke akpatre ami nkedu ke ufokibok oto ke udongo ndubok-idem owo, ndien ete ye eka mi ema ebin mi esio ke ufok nnyin. Dian ye ke ami nkekemeke ndinam nkpo ndomo-kiet, nkokure se ami nkekeme ndinam ekedi ndiwongore ntiene Abasi.
Kiet-kiet ke kpukpru mme idomo oro ama akabare oworo ada ufon ono mi. Me idomo oro ama anam mi mkpeb mbanga mme ukpebnkpo eke iko Abasi, emi okonode mi nsongo-nda ono iko ntiense mi.