Etop eke Visiting Teaching, eke Ofiong Iba ke isua 2016
Edi Abasi Okonim Ndo
Bong akam kpeb nkpo emi ndien yom ndidiongo se ekpebuanade. Didie ke ndifiok “Ufokemana Etop emi enode Ererimbot” anam mbuotidem mbufo ke Abasi okori onyung odiong mbon owo emi mbufo esede enyin eto ke visiting teaching? Ke oyomde ndifiok awak, ka ke reliefsociety.lds.org.
Mbuotidem, Ufokemana, Unwam
Mme prophet, isungutom ye adausung ekaka-iso ke nditim mfiori ete ke Abasi okonim ndo ke ufot erenowo ye nnwan ndien ke ufokemana edi akpan-nkpo ke uduak Andibot.1
Elder D. Todd Christofferson eke Eboho mme Apostles Duopeba odoho ete ke, “Ufokemena eke ebopde edori ke ufot-ndo eke erenowo ye nnwan ono ata eti ntongo emi uduak Abasi edikoride. …
“… Iduhe owo nnyin mme odu-uwem nkpo ndomokiet emi edikemede ndibiongo edisana ndaha eke ndo.2
Bonnie L. Oscarson, Young Women general president, odoho ete ke, “Kpukpru owo, ke suto ndaha eke ndo mme ibat ndito ekpedide, ekeme ndikpeme uduak Abasi nte enamde anwanga ke etop eke ufokemana. Edieke oro edide uduak Abasi, oro ekpedi uduak nnyin nko!3
Elder Christofferson aka iso eting ete ke, Ubak mbufo emenana mme ntak edidiong ndo eto mme ntak ekedide unana idorenyin, same-sex attraction, unomo ke idem mme ke ibuot mme ata edikop-ndik ete ke iyekpu. … Mme nte mbufo ema edodo-ndo, edi ndo mbufo ama abiara. … Ubak kotu mbufo emi edode-ndo ikemeke ndinyene ndito. …
“Kpa ntre, … kpukpru owo ekeme ndinwam man edisana uduak oro oworo osu ke emana kiet-kiet.”4
Mme itie nwed Abasi efen
Genesis 2:18–24; 1 Corinthians 11:11; Doctrine ye Covenants 49:15–17
Mbuk Akpaniko
Brother Larry M. Gibson, akani akpa onoitem ke Young Men general presidency, eketi ini emi Shirley, emi edide nnwan-ndo esie idahaemi, odohode ete,
“’Ami mmema fi koro ami mmediongo nte ke afo amama Abasi akan nte afo amade mi.’ …
“Iboro oro ama oduk mi ke esit. …
“… [Ndien] ami ke kpukpru ini nkoyom enye ofiok ete ke ami mmema Abasi nkan kpukpru nkpo efen.”5
Elder David A. Bednar eke Eboho mme Apostles Duopeba ekekpeb ete ke: “Obong Jesus Christ edi ata akpan-ndaha ke ebuana ediomi eke ndo. … [Kere ete edieke] Andinyanga okpodude ke etinge triangle [kiet], dian ye nnwan kiet ke etak-inuk kiet ye erenowo ke etak-inuk enye eken. Idahaemi kere banga nso ikpetibe ke ebuana ke ufot erenowo ye nnwan ke nte mmo kiet-kiet ke sung-sung edide etiene Christ enyung edomo man ‘edisana ke Enye’ (Moroni 10:32). Ke ntak ndien okoto ke Andifak, erenowo ye nnwan esanga ekpere otokiet.”6
© 2016 eketode Intellectual Reserve, Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara 6/15. Enyime edikabare 6/15. Ndikabare etop eke Visiting teaching Message, February 2016. Efik 12862 553
Kere-banga Emi
Didie ke ami ke idem mi ke sung-sung ndomo nditiene Christ?