Milwol ni Ngan Thapeg ni Ngan Nang, February 2016
Got e Ke Yarmiy E Mabgol
Mmeybil nge biy’eg fapi babyor mu piry’eg e tin ngam mog. Bu’uw rogon ni “Fare Tabinaew: Thin ni Yaen ko Fayeleng” ni ngan nang fan e nge gel nag e mich rom ngak Got me fel’eg wa’athan e picha’an ni gama guy ko visiting teaching? Ra tin ni ga ba adag ni ngam nang, man ko reliefsociety.lds.org.
Pi profet, apostle, nge pi toygang’ e ngar ul’ul’ gaed ngar “weliyed ni mabgol u thilin e pumo’on nge ppin e ke yarmiy Got ma tabinaew e lukngun ko tunom rok i Tasunmiy.”1
Elder D. Todd Christofferson ko fare Ulung ko fare Ragag nge L’agruwi Apostle e ke ga’ar: “Tabinaew e kan toey nga dakean e mabgol ko pumo’on nge ppin nibe pi’ e n’en nib mangil ni nge thap fare tunom rok Got. …
“… Dariy bagdad fa kubee’ ni rayog ni nge thilyeg rogon e biney e mabgol nib thothup.”2
Bonnie L. Oscarson, Young Women general president, e ke ga’ar: “Gubin e gidii’, demtrug ko mang e magawon u lane mabgol rok fa urngin e bitir rok, e rayog ni ngan ayuweg e tunom rok Somoel ni yibe weliy u lane thin ni fan ko tabinaew. Fa’anra tunom rok Somoel, ma thingari mang boech e tunom rodad!”3
Ke ul’ul’ Elder Christofferson ni ga’ar; “Boech i gimed e ke siyeg e tawa’ath ko mabgol ni ba’ fan nib mu’un e ta murwel ngay, ppin nge ppin nge pumo’on nge pumo’on, m’ar, fa murus ni dani mangil. … Fa kam mabgol, machane ke mus e ra mabgol nem. … Boech i gimed nike mabgol e dabyog ni nge faka’ e bitir. …
“Demtrug rogon, … ma gubin e gidii’ e rayog ni nge pi’ ban’en ni ngan rrin’ fare tunom nib thothup u lan gubin e yangar.4
Ku Reb e Chep nib Thothup
Genesis 2:18–24; 1 Korinth 11:11; Doctrine and Covenants 49:15–17
Yaat nib Riyul’
Brother Larry M. Gibson, ni i moy nib somm’on e counselor u lane Young Men general presidency, e ku manang napan ni ga’ar, Shirley, nib ppin rok e chiney:
“Gu ba adagem ni bachane gu manang nib tu’uf Somoel rom nib gel ko rogon ni gaba adageg.” …
“Re fulweg nem e ke magay u lan gumircha’eg. …
“… [Ma] gu ba adag ni nge thamiy ni gubin ngiyal’ ni rib tu’uf Somoel rog ko gubin ban’en.”5
Elder David A. Bednar ko fare Ragag nge L’agruwi Apostle e ke fil ni: “Somoel ni Yesus Krisrus e baga’ fan u lane m’ag ko mabgol. … [Mu tafiney nag] nikan ta’ Tathapeg nga taban e triangle, niba’ fare ppin u baley e ma ba’ fare pumo’on u barba’ riy. Chiney e ngam lemnag ko mang e ke buch u lane tha’ u thilin e pumo’on nge ppin napan ni yow l’agruw ni be “yib ngak Kristus ma yow be athamgil ni ngar ‘machalbog gaed Rok’ (Moroni 10:32). Bachane fare Tabiyul, ma pumo’on nge ppin e rayog ni nge fel’ e thin rorow u ta’abang.”6
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, February 2016. Yapese. 12862 905