ຊາວໜຸ່ມ
ພຣະບິດາເທິງສະຫວັນໄດ້ກ່າວກັບຂ້ານ້ອຍ ຜ່ານທາງຄຳປາໄສຂອງກອງປະຊຸມໃຫຍ່
ຜູ້ຂຽນອາໃສຢູ່ເມືອງເຊີຈິປີ, ປະເທດບຣາຊິນ.
ຂ້ານ້ອຍມີຄວາມສົງໄສກ່ຽວກັບສິ່ງທີ່ຂ້ານ້ອຍຄວນຈະສຶກສາຢູ່ມະຫາວິທະຍາໄລ. ຜູ້ຄົນສ່ວນຫລາຍໄດ້ເວົ້າສິ່ງບໍ່ດີກ່ຽວກັບຫ້ອງຮຽນທີ່ຂ້ານ້ອຍຢາກຮຽນ, ສະນັ້ນ ຂ້ານ້ອຍຈຶ່ງໄດ້ອະທິຖານຫາພຣະຜູ້ເປັນເຈົ້າ ເພື່ອຈະໄດ້ຮູ້ວ່າ ພຣະອົງເຫັນດ້ວຍກັບການຕັດສິນໃຈຂອງຂ້ານ້ອຍຫລືບໍ່.
ຄຳຕອບຂອງຂ້ານ້ອຍມາເຖິງໃນມື້ຕໍ່ມາ ໃນຂະນະທີ່ຂ້ານ້ອຍກຳລັງອ່ານຄຳປາໄສຈາກກອງປະຊຸມໃຫຍ່ ຢູ່ໃນວາລະສານ Liahona. ຂ້ານ້ອຍຮູ້ສຶກວ່າ ພຣະບິດາເທິງສະຫວັນໄດ້ບອກຂ້ານ້ອຍວ່າ ພຣະອົງບໍ່ສາມາດເລືອກເພື່ອຂ້ານ້ອຍ—ມັນເປັນການຕັດສິນໃຈ ທີ່ຂ້ານ້ອຍຕ້ອງເລືອກດ້ວຍຕົວເອງ. ຂ້ານ້ອຍຮູ້ວ່າ ສິ່ງໃດກໍຕາມທີ່ຂ້ານ້ອຍເລືອກ, ຂ້ານ້ອຍຕ້ອງພະຍາຍາມຢ່າງໜັກ ເພື່ອຈະບັນລຸຄວາມສຳເລັດ.
ຂ້ານ້ອຍຮູ້ວ່າ ຄຳອະທິຖານຂອງຂ້ານ້ອຍໄດ້ຮັບຄຳຕອບແລ້ວ. ການຢືນຢັນຂອງພຣະວິນຍານບໍລິສຸດ ໄດ້ຊ່ອຍຂ້ານ້ອຍໃນການຕັດສິນໃຈ. ຂ້ານ້ອຍໄດ້ຮຽນຮູ້ທີ່ຈະເຮັດໃຫ້ດີທີ່ສຸດ ແລະ ຮູ້ວ່າ ພຣະບິດາເທິງສະຫວັນຈະຊ່ອຍເຫລືອຂ້ານ້ອຍ.