Lamharon
Ang Amay nga Langitnon Naghambal sa Akon paagi sa Pangkomperensya nga Pamulong
Ang tagsulat nagaistar sa Sergipe, Brazil.
Nagaduhaduha ako sadto kon ano ang akon kuhaon nga kurso sa unibersidad. Kalabanan sa mga tawo wala sang maayo nga itugda parte sa kurso nga luyag ko kuhaon, gani nagpangamuyo ako sa Ginuo agud tan-awon kon nagaugyon Sia sa akon desisyon.
Ang sabat sa akon nag-abot sa masunod nga adlaw samtang nagabasa ako sang pamulong sa isa ka pangkabilugan nga komperensya sa Liahona. Nabatyagan ko nga daw ang Amay nga Langitnon nagahambal sa akon nga indi Sia makapili para sa akon—ini isa ka desisyon nga kinahanglan ko himuon sa akon kaugalingon. Nakahibalo ako nga bisan ano pa ang akon pilion, kinahanglan ko gid magtinguha agud mangin madinalag-on.
Nakahibalo ako nga ginsabat ang akon pangamuyo. Ang kompirmasyon sang Balaan nga Espiritu nagbulig sa akon sa paghimo sang desisyon. Natun-an ko ang paghatag sang akon bug-os nga pagtinguha kag nakahibalo nga ang Amay nga Langitnon magabulig sa akon.