Cov Hluas
Leej Txiv Saum Ntuj Ceeb Tsheej Hais Lus rau Kuv Dhau Los ntawm ib zaj Lus Hais Nyob Hauv lub Rooj Sab Laj
Tus uas sau zaj no nyob hauv Sergipe, Brazil teb.
Kuv tsis paub tias kuv yuav tsum kawm dab tsi nyob hauv lub tsev kawm ntawv qib siab. Neeg feem coob tsis pom zoo rau tej yam uas kuv xav kawm, kuv thiaj li thov tus Tswv seb Nws puas pom zoo rau qhov uas kuv tau txiav txim siab ua.
Hnub tom qab ntawd, kuv tau txais lus teb thaum kuv nyeem ib zaj lus los ntawm lub tuam rooj sab laj nyob hauv phau Liahona. Ua rau kuv xav tias Leej Txiv Saum Ntuj Ceeb Tsheej qhia kuv tias Nws yuav tsis xaiv rau kuv—qhov no yog ib qho uas kuv yuav tsum txiav txim siab rau kuv tus kheej. Kuv paub tias kuv xaiv dab tsi los, kuv yeej yuav tsum khwv ua hauj lwm kom ua tau.
Kuv paub tias Nws teb kuv tej lus thov. Tus Vaj Ntsuj Plig Dawb Huv txoj kev pom zoo tau pab kuv txiav txim siab. Kuv tau kawm hais tias kuv yuav tsum siv zog ua hauj lwm thiab paub tias Leej Txiv Saum Ntuj Ceeb Tsheej yuav pab kuv.