Agtutubo
Nakisao Kaniak ti Ama babaen ti Bitla iti Komperensia
Agnanaed ti nagsurat iti Sergipe, Brazil.
Adda panagduaduak maipapan no ania ti nasken nga adalek iti unibersidad. Kaaduanna a tao ti agsaosao maipapan iti kurso a kayatko nga alaen, isu a nagkararagak iti Apo tapno ammuen no umanamong Isuna iti pangngeddengko.
Dimteng ti sungbatko iti kabigatanna kabayatan ti panangbasbasak iti bitla iti sapasap a komperensia iti Liahona. Nariknak a kasla ibagbaga kaniak ti Nailangitan nga Ama a saan a makapili Isuna para kaniak--daytoy ket pangngeddeng a nasken nga aramidek nga agmaymaysa. Ammok nga ania man ti napilik, nasken nga ikarigatak a trabahuen tapno agballigiak.
Ammok a nasungbatan ti kararagko. Ti pammatalged ti Espiritu Santo ti nakatulong kaniak a nagaramid iti pangngeddeng. Nasursurok ti mangted iti amin a kabaelak ken mangammo a tulongannakto ti Nailangitan nga Ama.