Serafo

Ennet ngeni Ar Nuku

Preseten Monson a aporousa ew porous ussun ew famini ir chon akkom iwe mwirin a enniwini sefani anon Preseten George Albert Smith ewe: “Oupwe manaweni ennet ngeni ewe nuku an ami kewe neuo? … Achocho ngeni ami oupwe anamota meinisin ar kewe angangen fangeno [ra] fori fan itemi.” Ika a wor emon om neuo emon chon akkom ika ir ew aewin pinon chon ewe Mwichefen, ka nengeni pisekin appiru ren nuku ren emwen me pochokun? Iei ew an mi murinno ka tongeni poputani:

1. Fori ew tettenin iten aramas ka ingeitir. Ir mi tongeni chochon om ewe pwisin famini (me nom ika iei), chiechiom, souemwenin Mwichefen, ika aramas non ekkewe pukefel.

2. Maketiw met ekkewe ka sani ussun murinnor. Inom ewe a fokkun nikitu? Meni chiechiom ewe a kirekiroch ngeni ekkoch. Meni ka sani pwaran Kaptin Moronai.

3. Fini emon mi murinno seni noum ewe tettenin iter me pwisin eisinuk, “Ifa ussun upwe tongeni anapano ei murinno? Met mi murinno upwe fori ai upwe forata ei non manawei?”

4. Makketiw om kokkot om kopwe forata ei murinno me watiw ekis kopwe chok kukuna, an epwe achema ngonuk metena kopwe angang ngeni. Iotek fan iten an Samach won Nang aninis me checheki om fefeita. Nupwen ka mefi pwe ka forata ei murinno, ka tongeni angei ew minafon murinno om kopwe angang won.

Chemeni pwe nupwen sia forata wachimuken murinno non kich, sise chok asufonu an ach kewe neuo nuku me ekkewe angangen fangeno ra fori, nge sia tongeni pwan fori mi murinno ngeni ekkewe ra nom aruch.