Poraus seni Fefin Chon Amwa, July 2016
Ach Tufichin Winiti Sam me In
Iotek nupwen ka kaeo ei puk me kutta om kopwe sinei met kopwe aporousa. Ifa ussun weweiti “An Ewe Famini: Esinesin ngeni ei Fonufan” epwe anapano om nuku non Kot me efeiochu ekkewe ka tumunur non fansoun amwa? Ren pwan ekkoch poraus, kopwe nengeni reliefsociety.lds.org.
Nuku, Famini, Aninis
Elter Dallin H. Oaks seni ewe Mwichen Engon me Ruemon Aposel a afanafana “A tufich pwe noun Kot semirit non pekin ngun ra tongeni uputiw me tufichin fefeita ngeni manaw ese much.” “Non saramen ewe amuchonon popun ewe wachimuken kokkotun pwapwa, uwa achifouwa pwe ewe amuchunon wou won fonufan me non nang ir nouch kewe semirit me mwirimwirich kewe.”1
Elter Neil L. Andersen seni ewe Mwichen Engon me Ruemon Aposel a apasa:
“Sia nuku non famini, me sia nuku non semirit. …
“… Kot a apasa ngeni Adam me Eve, Oupwe chommongeno, pwe aramas repwe nonnom ekis meinisin o nemeni fonufan’ [Genesis 1:28]. …
“Ei annuk ese mwo nemeno ika nikitatiw ekis non Ewe Mwichefenin Jises Kraist ren Aramas mi Pin non Fansoun Soponon.”2
Ika mwo esap kich meinisin sia winiti sam me in non ei manaw, sia tongeni amarata semirit ren meinisin ier. Sia meseikasini ekkewe feioch ren ach sia chon an Samach won Nang famini, me sia sinei ekkewe pwapwa me sosotun ach sia chon ew famini won fonufan. Iwe ren chommong, sam me in ra awitiwitir non ekkewe fansoun ese pwon mi nom mwach.
Pwan ekkoch Pukefel.
Porous mi Manau
“Chommong mongungu non ei fonufan ikenai rese tipew ngeni ewe namoten nounou semirit ika ekiekin amangano ika aukuku semirit non ew famini,” Elter Andersen a apasa. “Nei kewe nengin ra karan chok aiti ngeniei ew memef a mak seni emon inenap Souneng (esap seni ach mwichefen) mi wor nimmon noun semirit. A apasa: ‘[Marita] non ei nonnomun aramas, mi fokkun weires ach sipwe angei ew mettochun non paipen mi awenewen ngeni porousen inenap. … Nonnomun semirit fachikin college. Fan sai fetan won unusen fonufan. Fan ewe tufichin no kukunou nepwin inet chok ka mochen. Fan amokutu inisum ren ewe nenien taiso. Fan met chok sokkun angang en mi tongeni ani ika aneanei om kopwe ani.’ Mwirin neminewe a pwan apachata: ‘Inenap esap ew mettoch sia mochen chok fori, pwe ew wis. Kose ioni semirit pokiten ke kuna pwe re mesemeseoch seni stamp. Esap ew mettoch kopwe fori ika ka tongeni okuchanong non om ewe fansoun. Ina met Kot a ngonuk fansoun fan itan.’”3
© 2016 seni Intellectual Reserve, Inc. Meinisin pung mi kawor. A for non Merika Kapungunon non fosun Merika: 6/16. Kapungunon awewen: 6/16. Awewen Visiting Teaching Message, July 2016. Chuukese. 12867 901
Ekieki Usun Ei
Non met sokkun napanap ach famini me won fonufan a ussun ach famini me nang?