iTabagone

Tudei ena Nodra Vakabauta

E tukuna o Peresitedi Monson na italanoa me baleta e dua na matavuvale ivuvu ka qai wasea na vosa nei Peresitedi George Albert Smith: “Rawa li ni ko ni bula dinata na nodrau vakabauta na tubumuni? … Sasagataka mo ni bula kilikili ki na solibula taucoko [rau] sa cakava me baleti kemuni.” Ke tiko e dua na nomu kawa ivuvu se o imatai ni tamata va-kawa lewe ni Lotu, o dau vakaraica li na ivakaraitaki ni vakabauta ena veituberi kei na veivakaukauwataki? Oqo e dua na sala vinaka mo tekivu kina.

1. Biuta vata na yacadra na tamata o dau qoroya. Sa rawa ni ra lewe ni nomu matavuvale (gauna eliu se gauna oqo), itokani, iliuliu ni Lotu, se tamata ena ivolanikalou.

2. Vola na veika mareqeti e tiko vei ira o dau taleitaka. E dau vosota vakaidina li o tinamu? Rairai sa yalovinaka na nomu itokani kivei ira tale e so. De o taleitaka na yaloqaqa nei Kavetani Moronai.

3. Digitaka e dua na ka mareqeti mai na nomu lisi ka tarogi iko, “E rawa vakacava niu rawata na ka mareqeti oqo? Na cava sa gadrevi meu cakava me taraicake kina na ka oqo ena noqu bula?

4. Vola na nomu ituvatuva e so ni kena vakatoroicaketaki na ka mareqeti oqo ka biuta ena dua na vanua o na raica wasoma, me vakananumi iko ena nomu takete. Masuta na veivuke ni Tamada Vakalomalagi ka dikeva vakavuqa na nomu rawaka. Na gauna o vakila kina ni o sa taracake vakarauta na ka mareqeti oqo, sa rawa ni o digitaka e dua na ka mareqeti vou mo cakava.

Nanuma ni da taracake voli na veika mareqeti levu kivei keda, eda sega walega ni doka na nodra vakabauta na tubuda kei na solibula era cakava, ia sa rawa talega meda dua na veivakayarayarataki vinaka kivei ira na wavoliti keda.