iVaqa ni Veisiko, Julai 2016
Noda Bula Vakaitubutubu
Vulica ena masumasu na itukutuku oqo ka vakasaqara mo kila na ka me wasei. Ena rawa ni vakalevutaka vakacava na nomu vakabauta na Kalou na kilai vakamatata ni “Na Matavuvale: Ai Vakaro ki Vuravura Raraba” ka vakalougatataki ira o vakaraica voli ena gauna ni veisiko? Me ikuri ni itukutuku, lako ki na reliefsociety.lds.org.
Vakabauta, Matavuvale, Veivukei
“E sa veiganiti kaya mera mai sucu vakayago ka rawa madigi mera toso ki liu ki na bula tawamudu o ira na luvena vakayalo na Kalou,” a vakatavulica o Elder Dallin H. Oaks ena Kuoramu ni iApositolo Le Tinikarua. “Ena rarama ni usutu ni inaki ni ituvatuva levu ni bula marau, au vakabauta na usutu ni yau levu duadua e vuravura kei lomalagi sai ira na luveda kei na noda kawa.”1
A kaya o Elder Neil L. Andersen ena Kuoramu ni iApositolo Le Tinikarua:
“Eda vakadinati ira na matavuvale, ka da vakadinati ira na gonelalai. …
“‘… A sa kaya vei [Atama kei Ivi] na Kalou, Drau vakaluveni, ka tubu me lewe vuqa, ka vakatawai vuravura’ [Nai Vakatekivu 1:28]. …
“Na ivunau oqo e se sega ni guilecavi se biu vakatikitiki ena Lotu i Jisu Karisito ni Yalododonu Edaidai.”2
Dina ga eda na sega ni itubutubu taucoko ena bula oqo, sa rawa ni da susugi ira na gonelalai ena veiyabaki ni bula. Eda rekitaka na veivakalougatataki ni mai tiki voli ni matavuvale ni Tamada Vakalomalagi, ka da sotava na reki kei na bolebole e so ni mai tiki ni dua na matavuvale vakavuravura. Ki na vuqa, na bula vakaitubutubu e sa waraki ira tu mai liu ena bula tawamudu.
iKuri ni iVolanikalou
Veitalanoa Bula
“E vuqa na domo ena vuravura nikua e tabaka sobu na bibi ni vakaluveni se vakatura tiko me lokuyarataki se yalani na iwiliwili ni gone ena dua na matavuvale,” a kaya o Elder Andersen. “Wale ga oqo rau a vakaraitaka vei au na luvequ yalewa ena initaneti na itukutuku ni dua na marama tina va-Karisito (sega ni lewenilotu) e lima na luvena. A kaya o koya: ‘[Na tubu cake tiko] ena ivakarau ni bula oqo, e dredre sara me tauri e dua na vakasama vakaivolatabu me baleta na bula vakatina. … Sa vaka e vinaka cake na vuli mai na susugi gone. Sa vakakina na wavokiti vuravura. Sa vinaka ga na gagadre ni gade ena bogi ena nomu lewa ga. Sa vinaka cake na laki vakaukauwa yago ki na kena vale. Ka vinaka cake na nomu cakacaka cavaga se nuitaka mo rawata.’ A qai kuria o koya: ‘Na bula vakatina e sega ni itaviqaravi talei, o koya e dua na veikacivi. O sega ni vakasokomuni ira mai na gone baleta nomu raica ni ra totoka cake mai na sitaba. E sega ni dua na ka mo cakava kevaka o sa galala. Sa ikoya na ka e solia kina vei iko na Kalou na kena gauna.’”3
© 2016 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/16. Vakadonui me vakadewa: 6/16. Vakadewa ni Visiting Teaching Message, July 2016. Fijian. 12867 858
Navuca oqo
Ena sala cava soti e sa vakataka kina na noda matavuvale vakalomalagi na noda matavuvale vakavuravura