Lamharon

Tampad sa Ila Pagtuo

Si Pangulong Monson nagasugid sang isa ka istorya parte sa isa ka pionero nga pamilya kag dayon ginsambit niya si Pangulong George Albert Smith: “Magmangin tampad bala kamo sa pagtuo sang inyo mga katigulangan? … Magtinguha nga mangin takos sa tanan nga mga sakripisyo nga [ila] ginhimo para sa inyo.” Bisan man kabahin kamo sang pionero nga kaliwat ukon una-nga-henerasyon nga miyembro sang Simbahan, nagasandig bala kamo sa mga ehemplo sang pagtuo para sa giya kag kabakod? Ari ang maayo nga paagi nga makasugod kamo:

1. Maghimo sang listahan sang mga tawo nga imo ginadayaw. Mahimo sila mangin miyembro sang imo kaugalingon nga pamilya (sang una ukon karon), mga abyan, mga lider sang Simbahan, ukon mga tawo sa balaan nga mga kasulatan.

2. Isulat ang mga kinaiya nila nga imo naluyagan. Ang imo bala iloy matuod nga pasensyoso? Ayhan ang imo abyan maayo sa iban. Ayhan nanamian ka sang kaisog ni Kapitan Moroni.

3. Magpili sang isa ka kinaiya gikan sa imo listahan kag pamangkuta ang imo kaugalingon, “Paano ko maangkon ini nga kinaiya? Ano ang dapat ko himuon agud matigayon ini sa akon kabuhi?

4. Isulat ang imo mga plano sa pagpatubo sining kinaiya kag ibutang ini sa lugar nga makita mo pirme, agud mapahanumdum ka sang imo lalab-uton. Magpangamuyo sa Amay nga Langitnon para sa bulig kag bantayan pirme ang inyo progreso. Sa tion nga mabatyagan mo nga napatubo mo na sing husto ini nga kinaiya, mahimo ka magpili sang isa ka bag-o nga kinaiya nga hikuton.

Panumduma nga sa aton pagpatubo sang dalayawon nga mga kinaiya sa aton mga kaugalingon, indi lang naton ginapasidunggan ang pagtuo sang aton mga katigulangan kag ang mga sakripisyo nga ila ginhimo, kundi mahimo man kita mangin impluwensya para sa kaayuhan sa mga yara sa aton palibot.