Agtutubo

Napudno iti Pammati

Inbaga ni Presidente Monson ti pakasaritaan ti maysa a nagkauna a pamilia ken insaona ti sarita ni Presidente George Albert Smith: “Agbiagkayo kadi a napudno iti pammati dagiti puonyo?” … Ikalikagumyo ti maikari kadagiti sakripisio nga inaramid[da] para kadakayo. No addaanka iti nagkauna a kapupuon wenno umuna a kaputotan a kameng iti Simbaan, kitkitaem kadi dagiti pagtuladan ti pammati para iti pannakaiturong ken pigsa? Adtoy dagiti naimbag a wagas iti panangirugi.

1. Agaramidka iti listaan dagiti tao a bigbigbigem. Mabalin a kamengda iti bukodmo a pamilia (naglabas wenno agdama), dagiti gagayyem, dagiti mangidadaulo iti Simbaan, wenno tattao kadagiti nasantoan a kasuratan.

2. Isuratmo dagiti kinasayaatda a magustuam. Pudno kadi a managibtur ti inam? Nalabit a ti gayyemmo ket naasi kadagiti dadduma. Mabalin nga ayatem tay kinatured ni Kapitan Moroni.

3. Pumidutka iti maysa a kinasayaat manipud iti listaam ket damagem iti bagim, “Kasano a maaddaannak iti daytoy a kinasayaat? Ania ti rumbeng nga aramidek tapno maparnuayko daytoy iti biagko?”

4. Ilistam dagiti planom para iti panangparnuay mo daytoy a kinasayaat ken ikabilmo iti lugar a kanayonmo a makita, tapno maipalagip kenka ti gannuatmo. Agkararagka para iti tulong ti Nailangitan nga Ama ken checkem ti regular a panagdur-asmo. No mariknam nga umdasen ti pannakaipasagepsep daytoy a kinasayaat, mangpilika manen iti baro a kinasayaat nga aramidem.

Laglagipen a bayat iti panangparnuaytayo kadagiti naindaklan a kinasayaat iti babagitayo, saantay laeng a dayawen ti pammati dagiti puontayo ken dagiti sakripisio nga inaramidda, ngem ketdi agbalintayo pay nga inpluensia iti kinaimbag kadagiti adda iti aglawlawtayo.