Mensahe iti Visiting Teaching, Hulio 2016
Ti Kabalinantayo a Kinamanagannak
Nainkararagan nga adalenyo daytoy a material ken kalikagumanyo nga ammuen no ania ti ibinglayyo. Kasano a ti pannakaawat iti “Ti Kaamaan: Maysa a Waragawag iti Lubong” papigsaenna ti pammatiyo iti Dios ken mangparabur kadagiti ay-aywananyo babaen ti visiting teaching? Para iti ad-adu pay nga impormasion, mapan iti reliefsociety.lds.org.
Pammati , Pamilia , Tulong
Insuro ni Elder Dallin H. Oaks iti Korum dagiti Sangapulo-ket dua nga Apostol, “Napateg unay a dagiti espiritu nga annak ti Dios ket maaddaan iti mortal a pannakaipasngay ken oportunidad nga agdur-as a mapan iti biag nga agnanayon.” “iti kangrunaan a gannuat ti naindaklan a plano ti ragsak, mamatiak a ti annaktayo ken kaputotantayo dagiti kangrunaan a sanikua iti lubong ken iti langit.”1
Ni Elder D. Todd Christofferson ti Korum dagiti Sangapulo-ket-dua nga Apostol kinunana:
“Mamatitayo kadagiti pamilia, ken mamatitayo kadagiti ubbing. …
“… ket ti Dios kinunana kada [Adan ken Eba], Agbungakayo, ket agadukayo, ket punnuenyo ti daga’ [Genesis 1:28]. …
“Daytoy a bilin ket saan a nalipatan wenno iniddian iti Ti Simbaan ni Jesucristo dagiti Santo iti Ud-udina nga Aldaw.”2
Numan pay saantayo amin nga agbalin a nagannak iti daytoy a biag, maaywanantayo dagiti ubbing iti tunggal edad. Sagrapentayo dagiti bendision a kas makipagpaset iti pamilia ti Nailangitan nga Ama, ken mapadasantayo dagiti rag-o ken karit kas makipagpaset iti nainlubongan a pamilia. Ken para iti kaaduan,tay kinanagannakda ket maur-urayen iti agnanayon a masanguanan.
Dagiti Mainayon a Nasantuan a Kasuratan
Dagiti Estoria ti Tattao a Sibibiag Pay
Kuna ni Elder Andersen, “Adu dagiti boses iti lubong itan ti mangipapaigid ti kinapateg ti maaddaan iti annak wenno isingasing ti panangitantan wenno limitaran dagiti annak iti pamilia,” “Nabiit pay nga inted dagiti babbalasangko ti blog nga insurat ti maysa a Kristiano nga ina (saan tay a kappammatian) nga addaan iti lima nga annak. Kinunana: ‘[Ti agpadakkel] iti kastoy a kultura, ket narigat nga ipakat ti panirigan nga aggapu iti biblia maipanggep ti kinaina. … Dagiti annak itan ket marigatanen nga agkolehio. Aglalo iti ipapan iti sabali a pagilian. Iti iruruar iti rabii a dika madanagan. Iti panangtaripato ii bagi iti gym. Iti ania man a serkan a trabaho wenno namnamaen a mastrekan.’ Ken innayonna: ‘Ti Kinaina ket saan nga hobby, maysa daytoy nga awag. Saanmo nga kolektaren dagiti annak gapu ta napimpintasda ngem dagiti stamps. Saan a ti aniaman nga aramiden no adda payla oras.Ngem ketdi para ania ti inted ti Dios nga oras kenka”3
© 2016 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/16. Pannakaanamongna a maipatarus: 6/16. Translation of Mensahe iti Visiting Teaching, Hulio 2016. Ilokano. 12867 864
Ibilang Daytoy
Ania dagiti wagas ti nainlubongan a pamiliatayo a maipada iti nailangitan a pamilia?